منتديات سبيع الغلباء - مرثية في والدي

بسم الله الرحمن الرحيم

السلام عليكم ورحمة الله وبركاته
حبيت اطرح لكم قصيدتي هذه وهي عبارة عن مرثيه
في والدي رحمه الله

ابدى بذكر اللي به الناس تبدى

الواحد المعبود علام الاحكام

منشي الخيال ومرسي الموج مرسى

ومثبتن سبع(ن) بدون اية اوهام

ان كان في بحر الشعر شي يشقى

اثبت اشعاري ببراهين واختام

مرحوم ياللي في زمانه تشقى

في دعوة المولى على سير الاقدام

مات وترك للطيب فعله وبقى

ذكر(ن)تناقلته مشايخ وخدام

انثر على فراقه من الدمع وانسى

يوم به الظالم يبا يشوف الاعدام

لكني اذكر وارجع ابكيه واسلى

ضعف البشر فطره على مر الاعوام

نخلق في ذي الدنيا ولا احد(ن) بيبقى

غير المباني فوقها بعض الاكوام

خل الجروح الداميه لين تفنى

تكتب تعابير الحزن فوق الابوام

دمع يسطر فوق شعر ويسمى

حزن الرجال اللي تناقله الاقوام

هاذي فقط نبذة مشاعر وتلقى

كوم المشاعر منتثر بين الافوام

وان كان باقي للعنا شي ينشى

شفتو دموع العين من كثر الاشوام

للدمع مع عيني تواريخ ترقى

من فقدة الغالي وكثر التلوام

لكني اذكر من به الخلق تشفى

ومن ينجي عباده من ايام الاصوام

الشاعر : مـحسن الـمجامــعة