شف بالي!!
 

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]
وجودي على الماضي وخوفي من اللي جاي=وجود اليتيم وخوف من يشكي الحاجه
وانا شف بالي في حياتي وكل مناي =اشوف الوجيه بنور الأيمان وهاجه
و اشوف امة الأسلام ما تختلف بالراي=واشوف السماء للأرض بالخير ثجاجه
واشوف الندامه واضحه في وجيه اعداي=ليا حِطت الأعصاب في وسط ثلاجه
واشوف الدروب اللي عليها تسير خطاي=لها من رجال الدين والعرف نهاجه
واشوف الهنوف اللي تبي طاعتي ورضاي=و إذا شحت الأيام ماهيب لجاجه
تمر السنين العوج ما طالعت مخباي=وعن خافي الأحوال ماهيب هراجه
و اشوف العيال اللي تحافظ على مبداي=ليا شابت القيفان والرجل منعاجه
ابيهم ليا من طحت مادورو فرقاي=يشيلونني لو كان في ظهر دراجه
الا يالله الطفبي قبل لا تطيح اقواي=قبل لا تصير النفس للناس محتاجه[/poem]


[CENTER]
وتقبلو تحياتي
عايض عبدالله ابو شيبه السبيعي[/CENTER]

رد: شف بالي!!
 

واشوف الهنوف اللي تبي طاعتي ورضـاي
و إذا شحـت الأيـام ماهـيـب لجـاجـه
تمر السنين العـوج مـا طالعـت مخبـاي
وعـن خافـي الأحـوال ماهيـب هراجـه

صح لسانك قصيده جزله من شاعر جزل وعسى ربي يرزقك بالذريه الصالحه

رد: شف بالي!!
 

صح الله لسانك يالمديري
قصيده جزله
لاهنت

رد: شف بالي!!
 

مرحبا ‏‏.‏ لافض فوك ماشاء الله ‏

رد: شف بالي!!
 

بيض الله وجهك على هذة القصيدة الجزلة والتي تطرقت اموراً كثيره نسأل الله أن يديم علينا الامن والرخاء والصلاح للذرية أنه القادر على كل شي وأن يرد لنا ملك الأنسانية سالماً معافى إلى أرض الوطن قريباً

رد: شف بالي!!
 

صح السانك والله يعطيك العافيه

رد: شف بالي!!
 

يا سلام يا سلام يابو عبد الله على الابداع
ولو ماهوب غريب عليك ذلك . صح لسانك
ملايين والله يحقق لك كل أمنياتك ,,,,

رد: شف بالي!!
 

[QUOTE=ممدوح الهبداني;305720]واشوف الهنوف اللي تبي طاعتي ورضـاي
و إذا شحـت الأيـام ماهـيـب لجـاجـه
تمر السنين العـوج مـا طالعـت مخبـاي
وعـن خافـي الأحـوال ماهيـب هراجـه

صح لسانك قصيده جزله من شاعر جزل وعسى ربي يرزقك بالذريه الصالحه[/QUOTE]

صح بدنك ياممدوح

والله يجزاك خير على هالدعوه

ومرور تشرفت به

تحياتي

رد: شف بالي!!
 

[QUOTE=ابومحمد11;305723]صح الله لسانك يالمديري
قصيده جزله
لاهنت[/QUOTE]

ارحب يابو محمد

وصح بدنك يالغالي

ومرور اسعد به

رد: شف بالي!!
 

[QUOTE=صعب ‏;305736]مرحبا ‏‏.‏ لافض فوك ماشاء الله ‏[/QUOTE]
صعب

مراحب يالغالي

ومرور اسعد به