منتديات سبيع الغلباء - ابن فرزان وابو شيبه صوت وصدى

[CENTER][COLOR="Blue"][SIZE="4"]بسم الله الرحمن الرحيم
أخواني في منتدانا الغالي هذه مراسله بيني وبين
الشاعر الكبير / عايض عبدالله ابو شيبه آمل
أن تحوز على رضاكم ,,,[/SIZE][/COLOR][/CENTER]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

خذيت من زين القوافي مهاره=فوايداً مثل الجواهر ثمينات
وعندي على نظم القوافي جداره=ادرس معانيها بكل الدراسات
وارسلتها للي رفيع ٍ وقاره=عايض عريب الجد راع الجزيلات
ساس الوفا والطيب ساس الأماره=حراً تعلا فوق روس الطويلات
وربعه هل الطاله فهود ونماره=لاد المديري من عصور ٍ قديمات
أهل الوفا والطيب وأهل الصداره=متصدرين الطيب في كل حزات
أرسلت لك قافي بموجز قراره=وهديت لك معناه بين القرارات
والحر يفهم عند رمز الإشاره=من مبتدا الموضوع لين النهايات
الوقت ياعايض غدرنا بناره=ناراً توقد تحت سبع السماوات
ماينعرف ليله بواقع نهاره=وأبعد عن عيوني جميع الملذات
يافكرتي فالوقت مابه جباره=لو باتجبر ماتفيد الجبارات
فيه الشقا والهم يبني عماره=عمارة ٍ مامثلها فالعمارات
يرسم مخططها بواقع تجاره=ماسيست فالمملكه والأمارات
ودنياً حلاوتها سوات المراره=قفت حلاوتها بذا الوقت بالذات
فيها النميمه والبلا والقشاره=وهرج القفى بين البشر والجماعات
ناساً طبيعتها خساره خساره=دايم تشب النار بين القرابات
توشي بكاذيباً عليها استكاره =من مصدر كذاب من عشر مرات
هذا كلامي موجزه وإختصاره =من مختصر توضيح بعض المجالات
عبرت من صدري عباره عباره=وعجزت عن تعبير بعض العبارات
ابغى جوابٍ منك وألا استشاره=ياشاعر ٍ حققت كل البطولات
وعندك على بدع القصايد جساره=وإنجاز في تعبير كل الصعيبات [/poem]

[CENTER]رد [SIZE="5"]الشاعر / عايض ابو شيبه[/SIZE][/CENTER]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه و انا طريح الحراره=اسبح المعبود وارتل ايات
ولآعب الهاجوس تاره وتاره=واصنع من الأبداع مايرضي الذات
عندي على بدع المثايل شطاره=واعوم في غب البحور الغزيرات
وعندي على قطف المعاني جساره=ذي عادتي مادام للناس عادات
واحارب العدوان غاره بغاره=وابني مع اصحاب الصداقه صداقات
واخذ من التقوى سلاح ومناره=ماعاد باقيلي من العمر مافات
و ياهاجسي لاهنت عندي بشاره=جتني طوابير البيوت الفريدات
جتني من اللي في بيوته نداره=اللي صرف من غالي الشعر شيكات
يجمع مع الأبداع طيب وصقاره=وله قامته بالطيب ما بين قامات
عبدالعزيز اللي براسه نعاره=ما قلتها تلفيق و لا دعايات
نسل الجهوم اهل الوفا والسطاره=اللي لهم في قمة المجد رايات
لا جا نهارن فيه قدح الشراره=يقفون للعدوان مره ومرات
ويصاحبي دنياك مثل المغاره=وفيها لعميان البصاير متاهات
فيها هل الطالات واهل الحقاره=والطيب له قاده وللذل قادات
مايتقن النجار فن الجزاره=ولا يتقن الجزار فن النجارات
وتلقى مع العطار ريح العطاره=وتلقى على الخافي رموز ودلالات
واللي مشى بالرجل درب الطهاره=يلقى مكاسيبه من الأجر لامات
واللي مشا بالرجل درب القذاره=له لوعة الدنيا وبالنار لوعات
يا صاحبي رد الزياره زياره=ومن قدم الحسنات يجزى بحسنات
وختام قولي يازعيم البطاره=اهديك مع شعري سلام وتحيات[/poem]