منتديات سبيع الغلباء - ((( صوت و صدى الشاعر / محمد بن فرزان الجهمي والشاعر / دخيل الله بن مفرح الرويبي)))

[CENTER][SIZE="5"]بسم الله الرحمن الرحيم
هذه مراسله بين الشاعر / محمد بن فرزان بن عمر الجهمي
والشاعر / دخيل الله بن مفرح الحنشولي الرويبي
عسى أن ترتقي لذايقتكم[/SIZE]

[SIZE="5"]يقول / محمد بن فرزان[/SIZE][/CENTER]

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فقدناك يا شيخ الكرم والوفا والجود=ويمناك في كسب المراجل مضريها
لامنه لفاك الظيف يلقى الشحم والعود=وكلمة هلا يا مرحبا في مباديها
ترى الطيب اليا غاب في غيبته منشود=وتبقى فعوله عند الأجواد طاريها
وترى الاش ماينشد عنه غايب وموجود=ردي والردي خوته محدن يدانيها
ألا يابو مفرح دخيل الله ابن العود =شيوخ ٍ على العليا بعيده هقاويها
ألاد الرويبي عز لا عجعج البارود=نهار اللقى خسران من هو يعاديها
أقوله وأنا قولي صحيح وعليه شهود=لهم مجد في ماض الليالي وتاليها
وقلته وأنا من عزوة ألاد ابن منهود=جهوم ٍ تضد الخصم وتعز عانيها
وكل القبايل نعم مافيه نقص وزود=قصور الشرف دايم تعلى مبانيها
عسى يادخيل الله ليالن مضن تعود=ودار ٍ مافيها مثل شرواك ماأبيها [/poem]

[CENTER][SIZE="5"]رد / دخيل الله بن مفرح [/SIZE][/CENTER]

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هلا مرحبا وعداد وبلٍ قفته ارعود=بيوتن لفتني تصغي آذان موحيها
من الطيب اللي ماعلى طيب فعله زود=محمد وكل الناس تعرف باساميها
كريم ٍصخي ٍيذبح الكبش والقعود=وله خوةٍ تبعد عن الكبد باريها
من اللابه اللي فعلهم فاللقى مشهود=نهار العزاوي سعد من ينتخي فيها
جهوم ٍ لهم تاريخ من عصر عاد وهود =لهم رايةٍ بيضاء ولاحدٍ بكانيها
شيوخ ٍ كرام ٍ فالقسى والليان اتجود =على الطيب ماتقصر طوال ٍ يمانيها
اقوله وانا ربعي اللاد الكوير افهود =سباع ٍ نهار الكون تسمع عزاويها
نعز القصير وننثني والبرا مردود=ومنا المعادي طعنته مايداويها
وذالحين ننعم في ذرى راية آل سعود=ملوك ٍ تحكم بالشريعه ومافيها
والا يامحمد اعتبرني معك موجود=ومثلك يابوفرزان رفقته نشريها[/poem]