منتديات سبيع الغلباء - تفخر بنا الاصحاب والاعداء تموت بغلها

هذه القصيده للشاعر:: فهد عبدالله زعير الفراعنة
في شيخ القبيلة :: عبيد ابن شديد ابن ذيبان الفراعنة

يالله ياربا عليك الاعتماد والتكال
اقادر تعز الاذلاء والاعز اتذلها
ياواحد بامرك يدور الكون وينشي الخيال
جزل العطايا والكبود اليابسات اتبلها
ويارب بيتا له يشدون المسلمين الرحال
وزيارته طول السنة من هلها لهلها
انك تجملني بفعلي بين ذربين الفعال
وتعزني بين الرجال اللي عنيت ارضا لها
الاوله سلام مني ياكريمين السبال
فراعنة عاشت على فعل المراجل كلها
فراعنة وقت السطر نرسي كما ترسي الجبال
ولاحسبنا الاوادم كثرها من قلها
ولاثارت الهيجا وجال السيف في الروس اجتوال
نكسر اعدانا في نهار المعركة ونذلها
فراعنة نارد حياض الموت مافيها جدال
وكل الفعول الكايدة نتعب لها ونحتلها
ونصبر على الدنيا وبلواها مثل صبر الجمال
ارواحنا نفديبها واحمولنا نشتلها
ولامنها دارت رحاها الحرب وامتس الحبال
تبشربنا فراعنة ذخرالها وسعدلها
نعرف بعز وفعولنا بين الرجال
ودون الخوي والجار سلت السيوف نسلها
فراعنة فينا الكرم هداج تيما اللي يقال
والجار يامنا وجيرتنا ماهو يملها
نكرم على طول الزمن لاكان مابه راس مال
غنينــــــــــــا يفلها وفقير نا يفلها
اذكارنا من طيبنايم الجنوب وفي الشمال
قبيلة ربي على فعل المكارم دلها
يشهد لنا تاريخنا من عصر ابو زيد الهلال
تفخر بنا الاصحاب والاعداء تموت بغلها
عشنا على عز وفخرمن المبتدا ولانزال
قبيلة يشهد لها تاريخها وسجلها
والثانية مبروك يا أمير الكرم وافي الخصال
مجالسك عز وفخر وانته بعد عز" لها
أمير شملا" بالمكارم طلت شي" مايطال
حزت المراجل كلبوها دقها مع جلها
أميرنا ونفخر بطيبك كل ما جالك مجال
ولا كبرت القوله وصعبت في يمينك حلها
عز الله أنك كامل با لطيب لله الكمال
فزعتك في ما جوبها ومراجلك في حلها
]قبيلتك عندك سوي ما فيه عم وفيه خال
شجرة وفأ كل القبيله في ذراها وظلها