الأناسه
 

[CENTER][SIZE="5"][COLOR="RoyalBlue"]إلى من صدري ضاق هاضت ملاحيني *** تعبر هجوس داخل القلب مخفيه

مــرً تضـايـقنـي ومـرً تبـاريـنـي *** وقل الأناسه يجلب أسبابها ليه

ولا ضايقتني لا السعاده تلاقيني *** زالت عني همومي وجت ذي بدل ذيه

لو أن الأناسه تنشرا بالملاييني *** خذوها هل الثروات أناسه وماليه

ولكن جعلها الله بقدر وقوانيني *** وهذا يعتبر للناس لطف ومحنيه

لناسه ماتلقى في مجالس سلاطيني *** ولا جمع مال وزين منصب وشخصية

تجدها برفق الطيبين المواليني *** لا صار أن رفقتهم على الطيب مبنيه

وألا رفقة قروم الرجال الوفييني *** أهل رفقة لصعاب الأحداث محسيه

نشاماً علاقتهم سواة الموازيني *** وكل يقول الطيب والطايلة ليه

فلخطيت رٌفق اللي تلذذ بهم عيني *** مانفسي برفقة ساير الناس معنيه

على رٌفق بعض الناس مالله بحاديني *** خص ضعوف المعرفه والدوينيه

عن الجلسة اللي ماتونس يسلني *** وميض النجوم وذا الهبوب الجنوبيه

الاحق حطب ناري وناري تصليني *** وطاسة لبن ناقه وفنجال بريه

تقول امتلك من ثروة الأرض بنكيني *** وبرج العرب والمملكه والعزيزيه

الشاعر/ محسن بن طامي المكحلي السبيعي[/COLOR][/SIZE][/CENTER]

رد: الأناسه
 

[SIZE=5]ابن طامي صح لسانك [/SIZE]
[SIZE=5][/SIZE]
[SIZE=5]قصيده جزله وكنها من البديات ان ماخب ظني وفيها اخطاء مطبعيه [/SIZE]

رد: الأناسه
 

[QUOTE=ال ح ك ي م;311768][SIZE=5]ابن طامي صح لسانك [/SIZE]
[SIZE=5][/SIZE]
[SIZE=5]قصيده جزله وكنها من البديات ان ماخب ظني وفيها اخطاء مطبعيه [/SIZE][/QUOTE]

[CENTER][SIZE="5"][CENTER]صح بدنك يالحكيم
وأعذرني على الأخطاء المطبعية[/CENTER][/SIZE][/CENTER]