قصيدة من الشاعر بندر المري موجهه الى الفديع ابن باحص وردها ( جزله)
 

[هذه القصيده من الشاعر بندر بن حمد الفهيدي المري موجهه الى الشاعر الفديع بن عبيد بن باحص السويدي السبيعي

البارحه في حلاة النوم وافاني ** خل عزيز مضالي وقت ماشفته
جاني ونا في حلاة النوم وأشقاني ** وناشقي من أول يوم عاشرته
ساعة نظرته وليفي يوم لاقاني ** رحبت والدمع فوق الخد نثرته
قال السلام وتبسم سيد خلاني ** أفقلتله يامرحبا والبيت نورته
وجلست أسلولف معه لين الصبح باني ** وتعكر الجو عندي يوم فارقته
أحسب مجيه صحيح يوم جاء عاني ** وثره خيال حلوم الليل جايبة
واليوم انا يالسبعي زادت احزاني ** هم لجا بالضماير ماتصورته
ينخاك منهو بتال الليل سهرانى ** وعيونه القشر حلو النوم حاربته


رد الشاعر الفديع بن عبيد ابن باحص السويدي السبيعي على الشاعر بند المري


يالله يالى عليم وعالم الشاني ** يامكون الكون والانسان صورته
يالواحد اللى عليم بكل مكاني ** سبحان شانك فسيح الكون عمرته
بسمك بديت وكتبت بكل برهاني ** حيث البراهين ساس الشي لاخرته
يابو حمد يازبون المجرم الجاني ** خطك لفاني ودوك الرد وفرته
لو كان خطك لفا من غير عنواني ** مجبور ابنهج على المنهاج لخترته
حقك عليه قبل القصين والداني ** عهدعليه لجيب العلم وثمرته
مثلك ترى يالفهيدي يوم ينصاني ** أرخص له الروح لجل دروب عاسرته
لاصرت تشكي صواب الزين يفلاني ** وتقول طيفه طوال الليل سامرته
نذر عليه لسج اديار بن ثاني ** ومالقيته جنوب وغرب دورته
وماكف نجد العذيه لين عماني ** واطراف فيفا جنوب يسار صدرته
وما لقيته نصيت الربع واخواني ** ربع مناها تشوف الدم وحمرته
ربعي اليا شحت الارواح شجعاني ** تنطح سهوم المنايا يوم ثورته
وربعي لياشبت النيران نيراني ** الكل منهم تحزم يوم خبرته
شيابهم تفتخر في جمع جذعاني ** لاثار عج السماء ثم غابت أسفرته
يشهد لهم فعلهم ماهوب بلساني ** شيء حقيقي كثيرالناس عاصرته
وأما القبائل ونعم يوم الاكواني ** ماذم ناس تنول المجد وشهرته
تكفون يالابتي ذربين الايماني ** بندر نصاني ونا اللي ماتعذرته
قوموا مقامآ به الحكام تدراني ** وش عاد لوتدري الاعلام ونشرته
قبله تراني أبحر الحب غرقاني ** في حب شخص عنيد كل مازرته
لاقلت أربه يجاز الطيب بحساني ** قام ايتزايد ويسمع ناس غيرته
صدق ردي المعرفه في عدواني ** ونا الذي كل حاجز بان دمرته
اقفا ونا أقفيت واحسبته تناساني ** وثره مراده عيون الناس قاهرته
يبي العواذل تكف اللوم من شاني ** واهل النمايم تناسى شي خابرته
وليا صفا الجو يرجع جونا الثاني ** ونعيد عهدآ مع الايام سطرته
أنشهد نه ملكني ملك نصراني ** بعيونه السود فيها الموت قررته
اطيع لمره وأهون يوم ينهاني ** مبغا تلوعه ظروف الوقت وغبرته
حتى لك بنومي يوم ناداني ** فزيت واسمه بعالي الصوت كررته
لاعاد حب به الاشراف تهناني ** الرابح للي يخلي الداب وشجرته
خل يذلك ويرضا لك بحقراني ** خله يولي عسى دنياه حاقرته
لاصار قربه عذاب وفيه نقصاني ** وش ينبغابه عسى الايام جايرته
الله خلق كل شي وحط ميزاني ** مير احسن الراي لامنك تخيرته
دنياك لوهي صفت ياطير حوراني ** كم مرة صافي المشروب كدرته
وأقبل سلامي عدد ماهل وداني ** وارجو السموحه وهذا الرد حررته
وسلامتكم،،،،،،

رد : قصيدة من الشاعر بندر المري موجهه الى الفديع ابن باحص وردها ( جزله)
 

[center]بيض الله وجهك يا راعي الطيب على نشر ديوان الشاعر الجزل : الفديع بن عبيد بن باحص


قصيدة وردها من اجزل ما سمعت


لا عدمناك يا راعي الطيب



لك اطيب تحيه[/center]

رد : قصيدة من الشاعر بندر المري موجهه الى الفديع ابن باحص وردها ( جزله)
 

خل يذلك ويرضا لك بحقراني ** خله يولي عسى دنياه حاقرته
لاصار قربه عذاب وفيه نقصاني ** وش ينبغابه عسى الايام جايرته
بيض الله وجهك ووجيه الشاعرين بندر بن حمد الفهيدي المري والشاعر الفديع بن عبيد بن باحص السويدي السبيعي .......
أخوك أبوسعد السبيعي

رد : قصيدة من الشاعر بندر المري موجهه الى الفديع ابن باحص وردها ( جزله)
 

[size="5"]يعطيك العافيه راعي الطيب على ها الجزلات عزالله ان السبيعي ماقصربيض الله وجهك

ووجهه ولك تحياتي[/size]

رد : قصيدة من الشاعر بندر المري موجهه الى الفديع ابن باحص وردها ( جزله)
 

ابوعمر ولادقبان والجرودي اشكركم على مروركم ولكم اعذب التحيات

رد : قصيدة من الشاعر بندر المري موجهه الى الفديع ابن باحص وردها ( جزله)
 

وما لقيته نصيت الربع واخواني ** ربع مناها تشوف الدم وحمرته
ربعي اليا شحت الارواح شجعاني ** تنطح سهوم المنايا يوم ثورته
وربعي لياشبت النيران نيراني ** الكل منهم تحزم يوم خبرته
شيابهم تفتخر في جمع جذعاني ** لاثار عج السماء ثم غابت أسفرته
يشهد لهم فعلهم ماهوب بلساني ** شيء حقيقي كثيرالناس عاصرته




كفوووووووووو بالفديع وربعه


والله والف نعم


يا لبى قلبك يا راعي الطيب اشهد انك ما قصرت




اخوك مشعاب اخو عجراء

رد : قصيدة من الشاعر بندر المري موجهه الى الفديع ابن باحص وردها ( جزله)
 

[quote=راعي الطيب][هذه القصيده من الشاعر بندر بن حمد الفهيدي المري موجهه الى الشاعر الفديع بن عبيد بن باحص السويدي السبيعي

البارحه في حلاة النوم وافاني ** خل عزيز مضالي وقت ماشفته
جاني ونا في حلاة النوم وأشقاني ** وناشقي من أول يوم عاشرته
ساعة نظرته وليفي يوم لاقاني ** رحبت والدمع فوق الخد نثرته
قال السلام وتبسم سيد خلاني ** أفقلتله يامرحبا والبيت نورته
وجلست أسلولف معه لين الصبح باني ** وتعكر الجو عندي يوم فارقته
أحسب مجيه صحيح يوم جاء عاني ** وثره خيال حلوم الليل جايبة
واليوم انا يالسبعي زادت احزاني ** هم لجا بالضماير ماتصورته
ينخاك منهو بتال الليل سهرانى ** وعيونه القشر حلو النوم حاربته


رد الشاعر الفديع بن عبيد ابن باحص السويدي السبيعي على الشاعر بند المري


يالله يالى عليم وعالم الشاني ** يامكون الكون والانسان صورته
يالواحد اللى عليم بكل مكاني ** سبحان شانك فسيح الكون عمرته
بسمك بديت وكتبت بكل برهاني ** حيث البراهين ساس الشي لاخرته
يابو حمد يازبون المجرم الجاني ** خطك لفاني ودوك الرد وفرته
لو كان خطك لفا من غير عنواني ** مجبور ابنهج على المنهاج لخترته
حقك عليه قبل القصين والداني ** عهدعليه لجيب العلم وثمرته
مثلك ترى يالفهيدي يوم ينصاني ** أرخص له الروح لجل دروب عاسرته
لاصرت تشكي صواب الزين يفلاني ** وتقول طيفه طوال الليل سامرته
نذر عليه لسج اديار بن ثاني ** ومالقيته جنوب وغرب دورته
وماكف نجد العذيه لين عماني ** واطراف فيفا جنوب يسار صدرته
وما لقيته نصيت الربع واخواني ** ربع مناها تشوف الدم وحمرته
ربعي اليا شحت الارواح شجعاني ** تنطح سهوم المنايا يوم ثورته
وربعي لياشبت النيران نيراني ** الكل منهم تحزم يوم خبرته
شيابهم تفتخر في جمع جذعاني ** لاثار عج السماء ثم غابت أسفرته
يشهد لهم فعلهم ماهوب بلساني ** شيء حقيقي كثيرالناس عاصرته
وأما القبائل ونعم يوم الاكواني ** ماذم ناس تنول المجد وشهرته
تكفون يالابتي ذربين الايماني ** بندر نصاني ونا اللي ماتعذرته
قوموا مقامآ به الحكام تدراني ** وش عاد لوتدري الاعلام ونشرته
قبله تراني أبحر الحب غرقاني ** في حب شخص عنيد كل مازرته
لاقلت أربه يجاز الطيب بحساني ** قام ايتزايد ويسمع ناس غيرته
صدق ردي المعرفه في عدواني ** ونا الذي كل حاجز بان دمرته
اقفا ونا أقفيت واحسبته تناساني ** وثره مراده عيون الناس قاهرته
يبي العواذل تكف اللوم من شاني ** واهل النمايم تناسى شي خابرته
وليا صفا الجو يرجع جونا الثاني ** ونعيد عهدآ مع الايام سطرته
أنشهد نه ملكني ملك نصراني ** بعيونه السود فيها الموت قررته
اطيع لمره وأهون يوم ينهاني ** مبغا تلوعه ظروف الوقت وغبرته
حتى لك بنومي يوم ناداني ** فزيت واسمه بعالي الصوت كررته
لاعاد حب به الاشراف تهناني ** الرابح للي يخلي الداب وشجرته
خل يذلك ويرضا لك بحقراني ** خله يولي عسى دنياه حاقرته
لاصار قربه عذاب وفيه نقصاني ** وش ينبغابه عسى الايام جايرته
الله خلق كل شي وحط ميزاني ** مير احسن الراي لامنك تخيرته
دنياك لوهي صفت ياطير حوراني ** كم مرة صافي المشروب كدرته
وأقبل سلامي عدد ماهل وداني ** وارجو السموحه وهذا الرد حررته
وسلامتكم،،،،،،[/quote]



الاخ / راعي الطيب بيض الله وما قصرت

على الاختيار الموفق لشاعر معروف وشاعر

جزل ودائماً أحب أن أقرأ لهذا الشاعر الكبير

صح لسان ابو عبيد وسلت يمينك ياراعي الطيب

تقبل تحيات الحميدي بن سعد بن بلعوس,,,,,,,,,

رد : قصيدة من الشاعر بندر المري موجهه الى الفديع ابن باحص وردها ( جزله)
 

راعي الطيب

شكرا لك يالغالي

وكثر الله من امثالك على نشر القصيدتين

المراده بيني وبين اخي وصديقي الشاعر الكبير الفديع السبيعي اطال الله في عمره

وهذي القصيده قديمة جدا كانت في سنة 1988

ولاكن ابلغني فيها احد الاصدقا قبل كم يوم بانه يوجد قصيده لي في هذا المنتدى الرائع

فكل الشكر والتقدير على القائمين على هذا المنتدى الناجح انشالله

شكرا لك يالغالي

وارجو من اي شخص يعرف عن الفديع ان يرسلي رساله برقم جواله

على العنوان التالي
[email]bandr_almarri@hotmail.com[/email]

رد : قصيدة من الشاعر بندر المري موجهه الى الفديع ابن باحص وردها ( جزله)
 

هلا بك ومسهلا


الله حيه


الحقيقه حنا فرحنا بحضورك معنا وطمعانين في سماع قصايدك كلها


وننتظر مشاركاتك يا ابو حمد

رد : قصيدة من الشاعر بندر المري موجهه الى الفديع ابن باحص وردها ( جزله)
 

الله لايهينك يابوعمر

وابشر انشالله مايكون خاطرك الا طيب