وياما على العاقل تصير البلاوي
 

الشاعر صالح بن سند لحربي


ياراكب من فوق حيل ٍ مجلات
مترفعاتٍ مبرمات ٍ عصاوي
يشدن تخضاع البني العفيفات
على المزين يجدعن المزاوي
القلب لابده يهوجس بحاجات
والبعد والله مايرد الشقاوي
تعبروا ياهل القلوب الفهيمات
متعرضينٍ للخطر والأهاوي
ياما على الجاهل يفوتن الأفوات
وياما على العاقل تصير البلاوي
لا صار ما تاخذ امورك بحيلات
يصير عقلك والهبال متساوي
راع الحساني ما يجازى بسيات
وراع الصخا حبله طويلٍ رهاوي
ورفيقك اللي دايم الدوم شمات
بيعه برجوى الله وثيق العراوي
والقبر صندوق العمل بيت الأموات
ترصد على جاله بدوٍ خلاوي

رد : وياما على العاقل تصير البلاوي
 

صح لسانك

على النقل

ولاهنت

رد : وياما على العاقل تصير البلاوي
 

السلام عليكم ورحمة الله وبركاته اشكرالاخ عبدالله بهذه المشاركه الطيبه وهي تعدمن اجمل ما قيل بالحكم لشاعرصالح بن سند الحربي رحمة الله وهو والد لشاعرالكبيرالمعروف بدولة الكويت الشاعرجزاء بن صالح الحربي والله يعطيك العافيه اخوي

رد : وياما على العاقل تصير البلاوي
 

الخ عبدالله

تسلم يالغالي على هذا النقل الطيب

وصح لسان الشاعر

وننتظر منك المزيد

تحياتي