الشعر فن وموهبة يأهل العرف
 

[poem=font="Simplified Arabic,4,black,bold,normal" bkcolor="transparent" bkimage="backgrounds/23.gif" border="double,medium,teal" type=4 line=0 align=center use=ex num="0,black"]
بسم الله الرحمن الرحيم



الشعر فن وموهبة يأهل العرف = ماهوب علمٍ بين الأسفار خافي
ما تملكه دعوى هل النحو والصرف = الشعر يضبط بالوزن والقوافي
وش ينفع الأعراب والحال والظرف = لا صار معنى البيت ماهوب شافي
الشعر ديوان العرب منهلٍ صرْف = عذبٍ زلالٍ سلسبيل وصافي
نلوذ به من قاسي الوقت والظرف =ونغيث به أهل القلوب الهوافي
ونمسح به العبرات عن حاجر الطرف = ونرفى جروح الأسى والتجافي
ونعاتب المجمول ونداعب الترف = وناقف على حدّ النقا والعفافي
وننصر به الأوطان والدين والعرف = ونضرب به العدوان ضرب الرهافي
لا من عطانا الله وسخر لنا الحرف = حرام نكتم نعمته لا تشافي
خلوا خدين الحرف يقطف على الزرف =ما لاق من ورد الفكر والخوافي
خلوه يغرف من نهر خاطره غرف = واللي مضى يأهل العذاريب كافي

الأمير الشاعر / خالد بن سعود الكبير



.[/poem]

رد : الشعر فن وموهبة يأهل العرف
 

صح لسان الشاعر


قصيدة جزله ورائعة جدا


لا هنت يالعاقل على النقل والإختيار الموفق



طالب الغفران