شغــل الـــVXR
 

[size=4][color=#0000FF]الاحبه هنا في منتديات ســبـيـع

من جديدي عساها تحضى بشرف رضاكم .[/color][/size]

[poem=font="Simplified Arabic,5,black,bold,normal" bkcolor="transparent" bkimage="" border="double,2,gray" type=2 line=0 align=center use=ex num="0,black"]

شغل الفكسار وامل التوانك يا شبيب =فلله بالنفط واحرص على ربط الحزام
وصلنا دعوة رفاقه وللدعوة نجيب=مانبي التأخير عـجّل علينا والهمام
ان بغيت الباب الايمن تفضل يالحبيب=وأن بغيت تسوق تله وعان الدرب شام
خله يعرض على رماح قدام المغيب=ويتعدا صوب ذيك . الصياهد والعدام
للفياض ومرتع الشول حلوات الحليب=والمزاين واجتماع العزيزين الكرام
تاجد أذوادً مقيمه وتاريخً عريب= تحمل اسم سبيع غلباء متية الجهام
واحتفال البل واهلها ماهو شئٍ غريب= من عوائدنا وحنا نقيمه كل عام
من قديم الوقت معنا لها حظ ونصيب=وان خذينا جائزتها ترى ماهي حرام
قد كسبناها من القوم في الوقت العصيب=وقد حميناها بوقت المعارك والزحام
كم مشينا في رضاها وضدينا الحريب=نسهج البيدا نوفرلها الماء والطعام
نقطع الفرجه ونرعى بها القـفر العشيب=ننزل الديره بدون اتفاقية سلام
خذ هل العشر المردف يابو قلبَ لبيب=كمثالً حي ما ينطلي تحت الظلام
قالوا الكثره تغلب الشجاعه ياعجيب=قلت لاوالله بعكس المثل واثبت كلام
وش ثلاث الاف في صف والموقف رهيب=هاجموا عشرين ممرور في نقرةّ سنام
طاح في ذيك المغاره عشاء حصني وذيب=يوم سيل الدم الاحمر وتكسير العظام
زاحـوالقوم اللظيه بعد ضربً عطيب=طوعوهم بالقنا والمخـّير والحسام
وانتهت نصراً مؤزر ونصر الله قريب=واعتلت رايات ربعي رفيعين المقام
هكذا كنا مع البل ولا زلنا نجيب=كل شئً فيه للبل علاقه وانسجام
انتهى وقت الشقاء والمطالـب والطليب=وابتدى وقت المحبه ونبذ الانقسام
وأصبحت سحج الخلايا تبيت في الشعيب=ماعليها خوف لوكان راعيها ينام
وامنه بامن الله اللي على خلقه رقيب=ثم بحكم اللي خذ الشرع دستور ونظام
جيت اباشر حفل ربعي على حشمه وطيب=زايد التشجيع والانتماء والاهتمام
أنت تامر يا سعد مابها نشدة خطيب= يالرفيق الوافي الصافي الشهم الولام
مثل هذي يابيض الوجه ماعنها نغيب=تعتبر عندي مهمه من كبار المهام
عاش من مثل بذوده وعن ربعه ينيب=له من الاعماق شكروتحيه واحترام
عاشوا اهل البل عسى الظن فيهم مايخيب=وختمها صلوا على المصطفى سيّد الانام


مفرح بن بداح[/poem]

رد : شغــل الـــVXR
 

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
انتهى وقت الشقاء والمطالـب والطليـب=وابتدى وقـت المحبـه ونبـذ الانقسـام
وأصبحت سحج الخلايا تبيت في الشعيب=ماعليها خـوف لوكـان راعيهـا ينـام [/poem]

رائعة جدا يا ابو عبد الله

و مشاركة جميله تستحق الإشادة

لا تحرمنا من جديدك :)

رد : شغــل الـــVXR
 

القصيدة طيبه بالحيل



بس اللي مهوب طيب انك تغلى علينا بمشاركاتك


المفروض ان ابو عمر يدفع للمكتب لجل يشاركون معنا شعار المكاتب


بس بصراحة قصيدة طيبه بالحيل ومنتازه جدا

رد : شغــل الـــVXR
 

صح لسانك يا مفرح بن بداح

والله انها قصيدة جزله ...............

ولا تخلينا من القصايد الزينه انا افداك

ولد عزوان

رد : شغــل الـــVXR
 

صخ لسانك يابو عبدالله

على هذه الدره الجميله

الإبل المدح فيها مايوفيها حقها

مره ثانيه صح لسانك يالغالي

تحياتي واعجابي

رد : شغــل الـــVXR
 

[center]صح الله السانك مليون والله يا بو عبدالله

وافي والله يا بو عبدالله وسعد وافي

جدا رائعة هذه القصيدة

سجل اعجابي بها

تحياتي[/center]

رد : شغــل الـــVXR
 

ابو عمر



أررررررررحب


أرررررررررحب





أبشر بالجديد المفيد




نورت الصفحه




تحــــــــــــــــــــــــــــــــــــــياتي

رد : شغــل الـــVXR
 

المشا كس دائماً


خفيف الضل \\\ مشعاب \\\




انا لست من هذا النوع الذي أشرت إليه ياخو عجراء


انا منكم وفيكم ومعكم قلباً وقالباً




شكراً لك على مرورك الكريم


اخوك

رد : شغــل الـــVXR
 

ابو عبد الله
صح لسانك
وقصيده رائعه من رجل رائع في اسلوبه
وطرحه والى الامام مثل ماعوتنا دايم

اخوك/ســـــــــــــــــعود السبيعي

رد : شغــل الـــVXR
 

هلا واللللللللللله يابن بداح

وابيض وجه قصيده رائعه وجزله


اسجل اعغجابي بها وبآكثر قصائدك


تحياتي