منتديات سبيع الغلباء - معــــــــــــــــــــــا نــــــــــا ه !!!!!!!

منتديات سبيع الغلباء (https://www.sobe3.com/vb/index.php)

- منتدى الخواطر والحكم والالغـــاز (https://www.sobe3.com/vb/forumdisplay.php?f=11)

معــــــــــــــــــــــا نــــــــــا ه !!!!!!!

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
عانيت هم الوقت والقلب عانا = وهذا زمان قرب الشك والريب
خلوا عشر زبن المجنا ثمانا = عقب الروى والعز يردى المغاريب
ارخوا عزيمتنا وضيع جدانا = والبوم حطوا له ضروس ومخاليب
صبح زمان البين مدري ضوانا = حط بيمانينا قيود وكلاليب
مدري متى ندله ونلقى هوانا = وفوق من كابوس الايام واطيب
كله سبايب قوم ضد العدانا = ملعونه ما تبدي الشمس وتغيب
جانا اتصال ليت ما كان جانا = صوت يشيب مقدم الراس ويشيب
يجرح مشاعرنا ويلعن ثوانا = فيه المكاره والصخط والعذاريب
اول دقايق كلها دان دانا = سوالف تشفي وضحك وتعاجيب
واخر دقايق يخرب الجوا مانا = الله من الغبنه ومن شقه الجيب
تقول يا بدوا المضره علينا = انتوا بهم ما تفهمون الاساليب
ضاع التقدم يوم ربي بلانا = يا ليتكم عنا بدار الاجانيب
انتو رعاه لعبه في يدانا = ويسدر لكم منا مهونه وتعذيب
وهذي منا صبنا حنا وبا نا = كايد عليكم يا الطراطير وصعيب
ورديت وبرد البرى ما توانا = بثبت مكاتيب وبمحى مكاتيب
خيال ذود ينتشر في حمانا = يا بنت حضر ما تعرف المواجيب
عذروبنا عدونا لعدانا = نقدم على العدوان مثل الاصاحيب
يا بنت لمن المجنن وصانا = من خوف سادات رماه معطيب
يا بنت يلقى عندنا للقانا = ضل يضله عقب شمس اللواهيب
يا بنت ما يلحق مداكم مدانا = ليا ثنينا دون حرش العراقيب
يا بنت لجت هيه وعتزينا = تخضع لنا يا بنت روس الاصاعيب
غير القرامه ضيفنا للفانا = يا سعد ضيف قومنا له معازيب
لو الزمن عن بعض الاشيا حدانا = يمسي على طيب ويصبح على طيب
نعطي عشانا ما لقينا غدانا = والرزق من عند الولي عالم الغيب
ونفتل شواربنا ونطلق لحانا = ونرفع كرامتنا عن النقص والعيب
يا بنت حنا في الجزيره ربينا = ما جت بنا حجه وعمره وكاذيب [/poem] [center]الشاعر(((((( يعتذر عن ذكر اسمه)))))[/center]