نديم القوافي اقرب جاي ابيك في محاوره
 

حياك الله يا ابو مشعي اذا ما عليك كلافه ابي العب معك شوي

ابو مشعي يا هلابك عد وبلٍ من سحـــاب ((())) اقرب وحياك ربي نا نشيــل القـــافيـــه
نلعب الطاروق ونمشي لا ملام ولا عتاب ((())) وادري انك بعد لعبي تا تشوف العافيه


يالله يا ابو مشعي نبي نتسلى وانا والله طالب تحت التجربه وابي اتعلم منك طال عمرك

ياهلا يامرحبا وطلب منكم مجاب:: ياهلا يامرحبا والخواطر صـ ـــــــافيه
عد ماترعد وتبرق هـما ليل الســحاب:: ياعسا تاجد من القول كلمه شافيه
حمود

بيض الله وجيهكم على هالمحاوره ................

شدو حيلكم الله يطول عماركم .................


ابو عمر

الله الله الله عليك يابو مشعي ياليتني ولدك عزالله بجي شاعر بالحيل


تكفى يايبه الليييييييييييييييييييييييييييييييييييييييييييييييييييييييييييييييييييل




سهم ولد ابو سهم

هاذا رد ولاوشهو
يابو سهم الله يعطيك العفيه
تحيه لبو عمر وبن الجراح
ياجماعه ضيعتونا معنا ابو سهم
وسهم الله يكفينا شرهم

السحاب امكررٍ والله حلاال الصــعاب :: والله الى عالمٍ بالمور الخافيه
من مشا درب الوعر لا مايامل مطاب:: اقبله ولا بتذري عليه السـافيه

ابو مشعي اعذرني على التاخير ترى الجهاز عندي يالله يفتح الصفحه ويمكن اللي حولي كلهم نفس الطريقه تراي سكرت وفتحت خمس مرات وهالحين فتح معي السموحه

وصح لسانك على ما قلت واستلم

قد طلبنا واحدٍ لابته تــــروي الحــــراب ((())) ابو مشعي ابن عمي والسرايرباينه
والشفا بمجالستكم يا متحدين الصعاب ((())) نلعب الطاروق ونمشي والليالي فانيه


شييييييييييييل

ترى الاخيره السراير با نـــــيــــه وليست باينه

غلط مطبعي

هذا للثانيه يا ابو مشعي ومثل ما قلت لك يا ابو مشعي ترى الجهاز دمار اليوم وكل الشبكه عندنا سالت كم واحد نفس الطريقه يا بعدي وكان تبغى نكمل والا نخليها بعدين اذا زان الاتصال

واستلم

يا بومشعي قد دخلنا وقدها بس العذاب ((())) في جهازي مشكلٍ ما يطول الجافيه
الله اعلم لو دريت انه يبي بعض الزهاب ((())) قد عطيته ما يهمن والدراهم وافيه

ماحصل منكم خطا ياعزيزين الجناب:: خلها قدام مادام تسن الســـــــانيه
الخطا يابو سهم منك نعتبره صــواب::الشجيع امعان ويضاالكريم امعانيه
معذور يابو سهم
حمود