لعيونك.. اسمي سعود لـو كـان ضيـدان ؟
 

[center][poem=font="Simplified Arabic,4,black,bold,normal" bkcolor="transparent" bkimage="backgrounds/5.gif" border="solid,medium,darkblue" type=4 line=0 align=center use=ex num="0,black"]
كــلّ البـشـر فــي الاتـصـالات يـخـطـون
يخطون واخطي.. عذرنا هاتف فـلان؟؟

ومــن عـادتـي ماهـتـمّ بالـلـي يقـولـون
من غلط فـي رقمـي .لقـى الـردّ غلطـان

الـيـن جــاا فــي يــوم ..دق ّ التلـفـون
شفـت الـرقـم.. لقيـتـه اشـكـال والــوان

فتـحـت جـوّالـي ابـعــرف مـــن يـكــون
سـمـعـت صـــوتٍ فـيــه بـحّــه وفـتّــان

قالت لي: انت سعود؟ قلت: ايه بالعون.
لعيونك.. اسمي سعود لـو كـان ضيـدان

قالت :تظنّي مخطئـه. قلـت :وشلـون؟؟
قلـبـي تـوقّـف مـانـبـض فـيــه شـريــان

بـالـهـون يـابـنـت الاجـاويــد بـالـهــون
مــن عــادة الانـسـان يـرتــاح لانـســان

تسـمّـعـي يـابـنــت وابـلـيــس مـلـعــون
اخـذي كــلام ٍ مـصـدره صــدق وجــدان

مانـي بقايـل لـك: انــا انـسـان مـزيـون
اطـرق ولالـه شبـه فـي الانـس والجـان

انــا سهيم.. وافــي الـهــرج مـــوزون
اوزن كـلامـي.. قـبــل اقـولــه بـمـيـزان

وانــا الّــذي لاحــبّ ..لايـمـكـن يـخــون
مخلـص مدامـه حـيّ .ويـمـوت مـاخـان

وانـــا ليا حـبّـيــت.. حـبّـيــت بـجـنــون
حـبّــي يـفـجـر داخـلــي الـــف بــركــان

وانــا الّــذي مـاطـرد ورى مــن يقـفّـون
مـن صـدّ عنّـي عمـد.. بجـزيـه حـقـران

هـذي وصوفـي .واكثرالـنّـاس يـشـرون
وانـتـي علـيـك الـيـوم تقـديـر الاثـمــان

قـالـت :اشـوفـك قـمـت ياسهيم تـمـون
تـضـحـك وضحكـتـهـا تقـاسـيـم فــنّــان

قلـت :الميانـه.. ماهـي بضحكـة سنـون
احـيــان ماتلقـيـنـهـاا بــيــن الاخــــوان

تـرى الميانـه شـيّ واضــح ومضـمـون
اذا اجتمع شخصيـن.. فـي قلـب ولسـان

قـالـت :كـلامـك وافــي ٍ يـابـن خـلــدون
احيـان احـسّ ان جلستـك بـيـن شيـبـان

ياسهيم اسمـع كلمـة البـنـت ميـسـون
اسلوبك ووقتـك.. مضـت دونهـا ازمـان

هـــذا زمـــن قـدواتــه افـــلام كــرتــون
وهــذا زمــان ارجـالـه اجـسـاد وابــدان

قالـت.. وغنّـت لـي علـى وقتـي لـحـون
قلت: اسكتـي مـن بعـد ماخاطـري شـان

انا ادري ان الوقت.. مـن دون فـي دون
لـكـن فـمـان الله وانــس ِ الـلــذي كـــان

قلتـه وانـا صامـل.. وهـي عندهـا آذون
لـكـنّــهــا مــاصــدّقــت ســـمـــع الاذاان

ضـاقـت ...وخـلـق الله دايــم يضيـقـون
وانــا قـفـلـت الخـطّ..ضـايـق وزعـــلان

ونسيت.. والاجواد فـي الوقـت ينسـون
مــاســمّــي الانـــســـان الاّ بـنــســيــان

المشـكـلـه..بـنـات حـــــوّا مـايـسـلــون
دقّــت عـلـي وانــا لـهـا شـبـه شـفـقـان

قبـل آآتكلّـم.. قـالـت: اسـمـع ولاتـهـون
اسمي مهو ميسون.. حان الصدق حان

الاسـم عجرى وآخــر الـجـدّ مصـيـون
مـهــره ولا طـوّعــت بـلـجـام وعــنــان

قلـت: ارحبـي مليـون تـضـرب بملـيـون
اقـولـهـا مـلـيـون مـــن قـلــب ولـســان

قلت: ارحبي في العين ..ولحافك جفـون
وظلالـك مـن الشمـس باهـداب الاعيـان

يـاعـيــن حــــر ٍ بالمـطـالـيـع مـفـتــون
حــر ٍ شـــراه مـولّــع الـصـيـد طـربــان [/poem]

تراني جايبها سلف وجه الله والله يسلمكم على كل حال ولاابطى من جاء والغايب عذره معه وعلى المحبة نلتقي [/center]

رد : لعيونك.. اسمي سعود لـو كـان ضيـدان ؟
 

الله الله الله


وينك يا خووي سهم ووين المشاركات الطيبه




صح لسان قايلها .. وبيض الله وجهك على النقل المميز .



(( رب صدفة خير من الف ميعاد ))


وهذا اسلوب مثير في التشبيك والله انه يدرس دراسه اخوي سهم ..


تحياتي

رد : لعيونك.. اسمي سعود لـو كـان ضيـدان ؟
 

[center]

هلاااااااااااااااااااااااااااااااااااابك ياعايش ابو لليل

على العموم نرجع لمحور حديثنا وانت ماقصرت رديت على المشاركه وانا عاد جا دوري اقول الله لايهينك على كل حال والشك زايل بينا والله يعينكم على ماجاكم


الا على فكره تقول طريقة طيبه تبينا نجرب بس اخاف لاصكو ماعاد كلمو :confused
شكرا من الاعماق على التفاعل السريع

اخوك سهم سهم الله المسهماني [/center]

رد : لعيونك.. اسمي سعود لـو كـان ضيـدان ؟
 

حياك الله اخوي سهم

والظاهر انك فاهم غلط في الاسم ياعزيزي.

ياحبيبي هذا مو اسم مستعار مثل سهم المسهماني(( الله يجزاك خير ))

هذا اسم العائله واسم اجدادي . اتمنى ان مايكون مزعجك بس .


((للتوضيح ليس الاء))


تقبل تحيات اخوك //عايش ابو ليل

رد : لعيونك.. اسمي سعود لـو كـان ضيـدان ؟
 

[center][grade="00BFFF 4169E1 0000FF FF0000 00008B"]~*¤ô§ô¤*~*¤ô§ô¤*~أخي العزيز{سهــم}~*¤ô§ô¤*~*¤ô§ô¤*~


أسعد الله أوقاتك أنت وجميع الإخوان الأعزاء




صح لساااااااااانك ولسااااااااان قايلها يا سهههههم رائعة بروعة من نقلها لنا والله يعطيك العافية ولا هنت يا الغالي



هـــــــذا ولك مني ولجميع الإخوان كل تحية وتقدير واحتراااااااااااااااااااااام[/grade][/center]

رد : لعيونك.. اسمي سعود لـو كـان ضيـدان ؟
 

اسمي مهو ميسون.. حان الصدق حان = الاسم عجرى وآخـر الجـدّ مصيـون


أهبي إهبي يا عجرى

اثرها تكلم من وراي تدورك ... وأنا مطلقها منك من بعد ما غثيتها في ماليزيا :)


بس ما اقول الا مثل ما قال السدحان


هين هين يالضبان = أن جيتي ولا الشكمان


العلم زين ياسهيم --- يجيك السمن على عشاك وأنا خو عجراء

رد : لعيونك.. اسمي سعود لـو كـان ضيـدان ؟
 

صح لسان قايله
ومشكور اخوي على التواصل والنقل