الطيب يبقـى فالعيـال المداغيـش@@ومن يجحد المعروف لاش ٍ ولد لاش
 

[frame="7 80"]الله على اللي جاهـز ٍ للمطاريـش
بنز ٍ جديد وسكبتـه تبـرد الجـاش
عليـه تزهـى زاهيـات التناقيـش
تقول مصنوع ٍ لوقفـه ومطـراش
اليا وقف شيخ ٍ ربوعـه معاطيـش
على علومه بيـن ساكـت وبشّـاش
واليا مشى شيهانة ٍ ضفـت الريـش
والا كما برقٍ سرا يرعش ارعـاش
لونه مثل لـون السفـر فالمغابيـش
كنه وكنه ماااش ما اميّـزه مـاااش
يشفي غليل اللي وراء لقمة العيـش
خلا اهله ماغير راسـه وماحـاش
عليه يالمنـدوب مـا فالقسـا ليـش
دوك الكتاب ووجّهه ساحل الطـاش
سّـر الحديـد ولا تعـد التفاتيـش
ل ابوي ذخر اللي من الوقت منّـاش
اشوف في موجات الايـام تشويـش
والوضع ماش وراعي العقل منداش
اصبر واغض العين واقول معليـش
والصبر ناقش مرّ كبـدي بمنقـاش
غيب الليالي ويش واللي حصل ويش
عمشا تجر بقرنهـا رجـل عمّـاش
الطيب يبقـى فالعيـال المداغيـش
ومن يجحد المعروف لاش ٍ ولد لاش
وماء الوجه يردع من براسه نغاميش
والوقت غير الوقت لا اكه ولا باش
راحوا هل الردات والخيل والجيـش
حمّاية الماقـف متيهّـت الادبـاش
اليوم في خير المـزون المراهيـش
راحه وامان وكل من عاش معتـاش
وانا همومي سايقتني علـى الطيـش
جاي ٍ لها فاقصى ضلوعي تخشخاش
عجزت افكـك مبهمـات المباليـش
روابعي في ذمتي راحـن اطشـاش
وان غلقن كل الطرايق على الشيـش
لا مرتعد قلبي ولا ضلوعي هشـاش [/frame]

رد : الطيب يبقـى فالعيـال المداغيـش@@ومن يجحد المعروف لاش ٍ ولد لاش
 

لاهنت يالجزل

وصح لسان قائلها قصيده رائعه

رد : الطيب يبقـى فالعيـال المداغيـش@@ومن يجحد المعروف لاش ٍ ولد لاش
 

سلمت يمينك يا ذيبان

قصيده طيبه

تحياتي

رد : الطيب يبقـى فالعيـال المداغيـش@@ومن يجحد المعروف لاش ٍ ولد لاش
 

قصيدة أكثر من رائعة أخي جزل العطايا لا فض فاك !!

لله درك وتحياتي

رد : الطيب يبقـى فالعيـال المداغيـش@@ومن يجحد المعروف لاش ٍ ولد لاش
 

الله اكبر الله اكبر الله اكبر ..


لله درك جزل العطايا .. قصيده جزله تستحق القرآءه والنشر .


لاهنت يالذيب على المنظومه الرائعه .. وفي انتظار جديدك ..



تحياتي ...