قلت جعلة خير ماهوب ذنب ودعوه
 

يامحمد حالم في زماني حلـــــــم خير * واحسبنه حلم نائم يفسر في ضحــــوه
إن بغيت أفسره شفت تفسيرة خطــير * قلت جعله خير ماهوب ذنب ودعـــــوه
حالم وإن الكباره تعدى من الكبيـــــر * والدلال مسطرة بس مافيها قهـــــــوه
شفت رجل يبصر الدرب ويقوده ضرير * والعرب ماهي عرب كان ماهيب خلوه
حلم عين يسهر العين للوقت الأخيــر * وإن بغيت أنساه الأفكار مالت بنحـــوه
يوم باين في السماء كنه البدر المنير * مايكبه غير رجال مافيـــــــــــه نخــــوه
الفهيم إن شاف ماشفت مايرقب نذير * والهقاوي بنك الإفلاس والموت رهوه
كنت أضني عارفة وامتلك خبرة خبير * وإثر قلبي نيم يحتاج من النوم صحوه
لين حتى شفت ماعفت واحتس الضمير * والضمير احتس من باب غفلة وسهوه
لاتكذبني ليـــــــــــا جبتلك شي مثيـــــر * لو بقول عتيبه مطير ومطير عطــــــوه
أحسبن السرج ماهوب يصلح للبعيـــر * لين شفت الشد والخرج في ظهر علوه
هو يصير العلم ولا محال مايصيـــــــر * افتنا يامفتيا فيك للعــــــرف جــــــــروه

قصيدة الشاعر / سعد بن عويد بن ثواب المجمعي السبيعي
موجهة للشاعر / محمد بن فراج بن مساعد المجمعي السبيعي