اهذه مساجل ةشعرية بين الشاعرين سعد السبيعي ومبارك القحطاني نتيجة لموقف حصل بينهما
 

انا تراني على ماقلة يابن الحلال
تزمني مرةٍ ومرارٍ ازمها
نفسٍ على الله مشكاها عزيز الجلال
اللي خلقها وخالق جسمي يضمها
ازمها لجل اعدي النايفات الطوال
من ذلتي لايجي المنقود من يمها
ابي ليا جالها ذكر وجالي مجال
اغيض شذابة العرقوب واغمها
وافرح رفيقٍ ذخرني في الدهر راس مال
ان كان الأيام عن يدها قصر كمها
النفس مخلوقة مثل القراح الزلال
لاصار منشودٍ من بوها وخال امها
من لاعرف قدرها ماقدروه الرجال
سواة من يبني الجدران ماطمها
ومن عز نفسة صعد من فوق روس الجبال
والعز عكسة الإهانة علقمٍ جمها
وانا يابو سيف يوم الوي عليها الحبال
اخاف من هرجة هراجها سمها
اردها عن هواهاو التفت للجزال
حيث ان هواها يوردها على عمها
جربت حرالشموس وذقت برد الظلال
مغير اداوي جروح الروح والمها
منها عيوني مطرها مثل وبل الخيال
تجودبه لين خالط دمعها دمها
بعض الليالي يجيني من منامي جفال
لادق باقصى الضماير هاجسٍ خمها
تمر نصف السنة ماشفت نور الهلال
والقلب اذانية عن هرج العرب صمها
يامبارك العلم وصلك ياعريب الخوال
وانته على ماتبيها سمها سمها

الشاعر /سعد بن عويد بن ثواب المجمعي

وسوف ننشر رد الشاعر / مبارك عائض سعيد الجروي القحطاني لاحقاً بإذن الله

رد : النفس مخلوقة مثل القراح الزلال
 

ما فهمت شي
بس على كل حال يعطيك العافيه

رد : اهذه مساجل ةشعرية بين الشاعرين سعد السبيعي ومبارك القحطاني نتيجة لموقف حصل بينهما
 

ارجع مره ثانية وتفهم

رد : اهذه مساجل ةشعرية بين الشاعرين سعد السبيعي ومبارك القحطاني نتيجة لموقف حصل بينهما
 

اخوي اكرر اسفي لك واوضح لك بأنه لم يطلع لي الا البيت الاول فقط ولاكن الان اطلعت على القصيده كامله وهي جميله جداً ويعطيك العافيه
واكرر اسفي والسموحه

رد : اهذه مساجل ةشعرية بين الشاعرين سعد السبيعي ومبارك القحطاني نتيجة لموقف حصل بينهما
 

لاهنت ياراعي الكورا على النقل الطيب