منتديات سبيع الغلباء - قصيدة للبروفيسور عبدالله بن سلطان الحضبي

السلام عليكم ورحمة الله وبركاته ...

هذه قصيدة قديمة للبروفيسور عبدالله بن سلطان الحضبي السبيعي
أتمنى ان تحوز على رضاكم.

[poem=font="Simplified Arabic,4,black,bold,normal" bkcolor="transparent" bkimage="" border="double,medium,gray" type=2 line=0 align=center use=ex num="0,black"]
يـقول من فكر و نقـى مثايلــه=يختـار مـن زين المعاني جزيله
يشيم عـن هـرجٍ يعيفونه العرب=يخـتار مـن جزله و يترك هزايله
يشكي عنى نـفـسٍ صعيبٍ مرامها=هيمانةٍ درب المـراجل تخـايله
مهيب ترضى بالهوينا و بالردى=تمشي دروب العـز لو كان طايله
لو كـان قالو دون مصر معوشـه=مهيب ترضـى دون عـزٍ بدايله
فكـّرت أنا في الناس قاصي و داني=لقيت كـلٍ معجباته .... فعايله
مـا فيهم أحـدٍ يعترف بإنه الردي=عنده جميع الناس تعـرف فضايله
بعـض العيال إليا نشى مـن بدايته=لـو كان ساسه طيب تكثر خمياله
تـرك الصـلاة و معصية والدينه=هذي مـع اسنـانه بداية نفايله
يجيك فـي وجهه سواد المعاصي=إليا حـلق دقـنه و ربـى جدايله
ما يسـتمع مـن جاه مهدٍ نصيحة=ربعه و هله .. الكل منهم يحايله
ثـم عقبها له مـع هل السُو رُفقة=يعدهـم مـن بـد خلقه ... دلايله
جـنـب دروب مـاشيتها جدوده=و اختار دربٍ فيه الأنذال ضايله
ممشاه مـع ناسٍ تعينة على الردى=تطفي سنى ضـوّه و تكثر رذايله
هـذا صحيب فـي يمينه زقارته=و هذاك وجهه مظلمٍ مـن عمايله
يجمعهم إبـليس بعصاه و يحوشهم=يسـري بهم ليلـه و حزة قوايله
فـي مجلس الدخان و الخمر غيرها=تلقى الحبوب أنواع ذي من حبايله
مـن طـاح فيها صـار مثل البهايم=يقضي نهاره نوم صبحٍ و قايلـه
مهوب يـم الناس لـو كان تنصحه=عقله غدا مـا عاد تنفع عذايله
يلعب مـع الورعان تضحك بعقله=معهم تقول وريع هـذا عزاي له
يالله دخيلك يا الولي من ردى الحظ=خسارةٍ فيـه اسم ابوه و حمايله
أقـول انـا قـولٍ و أنـا خابر إنه=إمـا رفع ولا نقـص ميزان قايله
وصـلاة ربي عد ما هل و أمطر=و إعداد ما أصبح منه وديان سايله
على نبي بيـّن الخير و الشـر=مهمـا فـعلنا مـا لـحقنا جمايله[/poem]

أخوكم طلال العامري.