منتديات سبيع الغلباء - المعانــــاه

:Untitled- [poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="none,medium,gray" type=2 line=0 align=center use=ex num="0,black"]
الله من همٍ بقلبي تأصل= ماينطح لوهي بجمع الطوايف

إلي عليه سيوف بقعاء تقابل =همٍ يخج القلب ماهو مسايف

ياجى ظلام الليل للهم علل =بالحيل شذبه للضماير نصايف

كل مارحل عن خاطري ذاك به حل= هذي مقابيل وهذي نكايف

مثل الهوى لاهب بالبرق الأشمل= وأن ساقه الغربي مزونه ذلايف

خلاه وقته بين الأضلاع يعِول = عويل ذيبِ في دجى الليل حايف

أصبح عليه الصبح ولا طابله غل= وعن صيدته عدى وقفى هرايف

وإلا كسيرٍ جب عظمه مشلل= وأصبح قعيد وحاملاته سنايف

وإلاالذي في غبت السجن نّزل= ماله جدا من ماوقع فيه خايف

قلبه يدق وأطرّاف جسمه تنامل= من سطوة الجلاد قبل الرهايف
وإلا يتيمٍ في حياته مغربل= يكويه من حامي زمانه رخايف

خالي من الأبوين والجد والكل= وعشاه دمعه من عيونه ذرايف

وإلا الذي صابه من الوقت مقتل= ولا هو على الدنيا كثير الحسايف

سمر الليالي حلوها مر حنظل= وعّد النصايب فوق راسه وخايف

ماينفعه طب الحداثه والأول= غصنٍ على كثح التوابع مهايف

وإلا سجينِ في حديده مكبل= في وسط قومِ ولالنِصره سعايف

وأخلى سبيله عقب ماصار الأرذل= ومضى على دربه سنينٍ سلايف

وإلا الذي في قاعة البير حوّل= يبى الروى من غايرات الطرايف

وقصرت حباله والركايز تهايل= ياما أنهدم به عاليات الشرايف

وإلا الذي عايش على الخوف والذل= من قل مابيديه عيشه كفايف

عليه زفات الليالي تحامل = عوج الليالي والسنين القصايف

دنياه مالت به ولا بيده الحل = توهِف على مطراف عينه وهايف

وإلا الذي ينشد سرابٍ مزول= عن الذهوب إللي غدت له عرايف

ودّه مع الأموات ينشد ويسأل = كان المنايا له تجيب الولايف

وإلا الذي من جاير الوقت معتل =لا الموت جاه ولا حصله شفايف

الجسم باري وجوهر العقل مختل= وأقصى درجات الخطر له لحايف

وش عاد لو ارضى بالقدار وأزعل= هذا الذي مكتوب لي بالصحايف [/poem]

[color=#FF0000]قصيدة الشاعر / الحلم[/color]