والله يالولا محرقين المحاميس**لاقول قولا تسمعه كل ساعه
 

أقدم لكم هذه القصيدة التي أقصد بها كل من له صفة العفانة ، وصكت الباب عن الضيفان والرجاجيل / أعاذنا الله من هذه الصفة الذميمة ، أقول فيها :

[poem=font="Simplified Arabic,5,orangered,bold,normal" bkcolor="transparent" bkimage="backgrounds/9.gif" border="none,thin,royalblue" type=4 line=0 align=center use=sp num="0,black"]
في يوم من جيناه حـز الاحاسيـس= ولزمت حدى من سريـع اندفاعـه

من واحدا دارت براسه وساويـس =فكره غدابه وانكشف عـن قناعـه

اغواه شيطانـه ودقـه هواجيـس =وركب اردعيه وصاب راسه صداعه

وقامت توميبه شياطيـن وابليـس =وضاع الدليل وطار عنه الوقاعـه

يقول قولا مـن كلامـه مفاليـس= عارى من المضمون مابه رفاعـه

صار الدفين اللي يقولـه هلاويـس =ضاقت على غيبه حنايـا اضلاعـه

بعيـد كـل البعديالقطـة غلـيـس= وعن ماتريـده ياقليـل السناعـه

مانته محقا يأسود الوجه تحسيـس= دون العرين اللي تريـده اسباعـه

انه الضميراللي غدابك عن القيـس= اللي على بابـك يضيـق اتساعـه

والله يالولا محرقيـن المحاميـس = لاقول قولا تسمعـه كـل ساعـه

اللي على الضيفان شال المقابيـس =يابيبها طولات مـن قصـر باعـه

من خلقتك ما طال حبلك مغاطيـس= ولا جبت علمـا بالشدايـد اقلاعـه

صيدك من الدسمات ضب المكانيس =وهذا الذي بالكون طالـة اصباعـه

ياأبو الخيابـة والعلـوم الدنافيـس = مخطي من الثنتين طيب وشجاعة

مافيك خيـر ولا ذكربـك نواميـس = غير العلـوم الخايبـه والرخامـه

تسعين خيبه وسط بيتـك محابيـس= وهذا الذي يكسبـه مثلـك ذراعـه

بانت علومك حاضرات ومراميـس= من جاك سبـك يـاردي الصناعـه

العفـن مثلـك مابيتـه مجاليـس =الا الحنـادي والرخـم والتبـاعـه

جيناك يوم وعيف مافيك يا لهيـس =وجمعت مع كثير النذالـه شناعـه

اظهرت مابك شين من ذبحت التيس =وثارت على قلبك نعـارت خزاعـه

محدا طلب منـك تغديـه بالكيـس= الحمـد لله بالضواحـي جمـاعـه

اما على كحيـلان والا لمعاريـس =والا على جيب الصخـا والمناعـه

وفنس على مركاك يالعفن تفنيـس =وعدل وبدل يـا لـردى باللكاعـه

وحافظ على جيبك ولمسه تلميـس =وسوق الرجيع احرص يفوتك مباعه

وارقد على براد حمـر الطعاميـس =ولا المكيـف شمعـه بالشماعـه

فاتورته صعبه صحيحـا وتدليـس= ينشبك بالمدفـوع وقـت اندلاعـه

وفرح الى هبـت ليـال النسانيـس =والموج هاديء من مصب ارتفاعه

ونس هواجيسك مع اليـل تونيـس =حتى يبين النـور بعينـك شعاعـه

ودور على مثلك علومه غطاريـس= يحكي معك قصة سنيـن الضياعـه

ودي تعدل مـار دربـك تعاكيـس =والعفـن دائـم ماتغيـر طبـاعـه [/poem]