خمسين عام مضت للعمر واشويه ..... أتبع هوى القلب تبع العبد عمانه
 

الإخوة الكرام أعجبتني هذه القصيدة للشاعر / عبدالعزيز بن دخيل الله
آل محمد السبيعي وأوردتها لكم لتستمتعموا بها وللأمانة فقد نقلتها
من كتاب( سوالف الطيبين ) للأستاذ/ عبدالله الحضبي (ج/3) ودوكم إياها.
[poet font="Simplified Arabic,4,blue,bold,normal" bkcolor="transparent" bkimage="backgrounds/19.gif" border="ridge,6,seagreen" type=0 line=200% align=center use=ex length=0 char="" num="0,black" filter=""]
ثنيت رجلي عن الروحات والجيه "="عندي قناعة وغيري ناس قنعانه
ما فاتني من المشاريع التجاريه "=" عنها يعوضني المصحف وقرآنه
بدخل رياض المساجد وأرفع إيديه "=" وأطلب شفاعة جليل الملك سبحانه
وأقول يا الله يلي تغفر السيه"=" إغفر لعينٍ على ما فات ندمانه
خمسين عامٍ مضت للعمر واشويه "=" أتبع هوى القلب تبع العبد عمانه
أبني مشاريع الأوهام الخياليه "=" واسوقها بين وقت وبين عنوانه
أحاول أحط ذي وذيك مع ذيه "=" هذي تجي رأس مال وذيك كسبانه
ولحقتني الشمس قدام آصل الفيه "=" وأصبرت صبر تعدى فوق حدانه
عيني على النظرة العليا نحاويه "=" والرجل ماني بعودها على الهانه
لا صار مالي على الماء دلو ورعيه "=" جذبت حبلي لوإن# الكبد عطشانه
لنا طبايع وكل له طبيعيه "=" كل على سلم ابوه وسلم جدانه
والعالم اللي طبايعها صناعيه "=" ضحاكة السر والغايات تعبانه
اخترت عنهم بلاقيع خلاويه "=" الذيب فيها يجر الصوت لخوانه
أمشي معه كل صبح وكل عصريه "=" أشوف نبت الربيع ونشر بدوانه
كثر التجاريب مدرسةٍ خصوصيه "="اتعلم الرجل صدقانه وعدوانه
وقت الرخا كم صديق مخلص ليه "=" ومسجل رقم جواله وعنوانه
وقت العوافي بأسلوب دبلوماسيه "=" وليا بدا لي لزوم صك بيبانه
لابوه لابو صداقته الخداعيه "=" فرقاه طب الفؤاد وساس برهانه
صديقي اللي ليا احتجته فزع ليّه "=" وليا بدا له لزومٍ قمت في شانه
والناس مالي عليهم فرض جبريه "=" كل على قدرمستواه وقدر ميزانه
الفت نظر للنشامى والمعذريه "=" الهرج ما ينحصي زوده ونقصانه
[/poet]
# هذا الشطر تصرفت به وقد كانت مكتوبة بهذا الشكل ( جذبت حبلي لوكان الكبد عطشانه)
والمعذرة يبدو أن في الشطر كسر فعدلت( كان بإن ) والمعذرة للشاعر وعلى من يخلفني
تسجل ذلك في الرد للفائدة وتقبلوا خالص تحياتي

السبيع الغازي


لاهنت وبيض الله وجهك على نقل القصيده وصح لسان الشاعر عبدالعزيز بن دخيل الله ملايين

اكرر شكري وتقديري لك يالسبيعي الغازي



اخوك البدر

شكراً لمرورك يا مشرفنا
وبيض الله وجيه الجميع

لنـا طبايـع وكـل لـه طبيعيـه = كل على سلم ابوه وسلـم جدانـه
...
اختـرت عنهـم بلاقيـع خلاويـه = الذيب فيها يجر الصـوت لخوانـه
...
كثر التجاريب مدرسةٍ خصوصيـه = اتعلـم الرجـل صدقانـه وعدوانـه

الله الله
صح لسان الشاعر
وسلمت يمين الناقل

السبيعي الغازي الله ينصرك على هالقصيده الطيبه والجزلة من ذاك الجزل .


ونسأل الله أن يثيبه على هذه النصائح المفيده ، ولا يحرمنا وإياك الأجر .





لك تحياتي

السبيعي الغازي

سلمت يمناك على هالنقل الطيب

وصح لسان شاعرها

لك جزيل الشكر على ايراد مثل هذه القصائد لما فيها من النصح

وتقبل تحيات اخوك بن جراح

صح لسان الشاعر واللي نقلها لنا (ملحوظة : البيت التاسع أظن أن كلمة بعودها خطأ مطبعي والصواب " معودها" .

صديقي اللي ليا احتجته فزع ليّـه ii" " وليا بدا له لزومٍ قمت فـي شانـه
والناس مالي عليهم فرض جبريـه ii" " كل على قدرمستواه وقدر iiميزانـه
الفت نظـر للنشامـى والمعذريـه ii" " الهرج ما ينحصي زوده iiونقصانـه

بيض الله وجه قايلها وناقلها..... طويق

والله ماقصرت في اختيارك لهذه القصيده خاصة من شاعر مثل ابو دخيل الله
اخوك الفارس

شاعر جزل ---- شاعر كبير ----اختيار ممتاز----تنسيق رائع
شاعر جزل ---- شاعر كبير ----اختيار ممتاز----تنسيق رائع
شاعر جزل ---- شاعر كبير ----اختيار ممتاز----تنسيق رائع
شاعر جزل ---- شاعر كبير ----اختيار ممتاز----تنسيق رائع
شاعر جزل ---- شاعر كبير ----اختيار ممتاز----تنسيق رائع
شاعر جزل ---- شاعر كبير ----اختيار ممتاز----تنسيق رائع
شاعر جزل ---- شاعر كبير ----اختيار ممتاز----تنسيق رائع
شاعر جزل ---- شاعر كبير ----اختيار ممتاز----تنسيق رائع
شاعر جزل ---- شاعر كبير ----اختيار ممتاز----تنسيق رائع
شاعر جزل ---- شاعر كبير ----اختيار ممتاز----تنسيق رائع
شاعر جزل ---- شاعر كبير ----اختيار ممتاز----تنسيق رائع


مشعاب

شكرا يالسبيعي الغازي على هذه القصيده النادره
وقد قرأتها مؤخرا في احدى الصحف يبدو انها منقوله من سوالف الطيبين
ولم يذكر المرجع الاساسي
الله يعين راع الاوله
بيض الله وجهك يالسبيعي الغازي وصح لسان المحمدي


______________________________
ملاحظه انت كسرت البيت يالسبيعي الغازي والصحيح ماكتب فيس المرجع
لكنها مقبوله منك يالغالي فأنت شاعر وتعرف لهجة الكثير من الشعراء
تنطق ولا تكتب ........... والكتابه تختلف عن الالقاء
مع تحياتي
عابر عرق سبيع