[الحرألأبيض]

بــســم الــذي ماعـنـه شـي يـتــوار=الــواحــد الـمــعــبـود عــلام الــســـرار
الــي خـلــق لـنـاس جــنـه ونـــــار=لــلـمـسـلـم الــجــنــه ولـلـكـافـر الــنــار
بــــسـمـه بديت وخـط القلام ســـار=وزان الــقـصـيـد وزان تـرتـيـب الشعار
كـــلامـن احل من حليب الـبــكـــار=الــي رعــن نـبـت الـفـيـافــي والـقـفــار
وحــلاء من السكـر وجني الـثـمــار=وحــلاء مـن الــذوب المـصـفـا بـلـفطار
ويــلي تـسـمـع فـي كـلامي حــــذار=اغــنـم زمـانـك قــبـل قـصـاف الـعـمـار
وحــذر يـفـوت الـفرض ليل ونهـار=الــديـن راس الـمـرجـلـه رمز والشعـار
وقــول الـحـقـيـقـه للنشامأ اشـعــار=الــحـق قـولـه واعــلــنـه ســر وجـهــار
هــذي نـصـيـحـه مـاعـليها غـبــار=ويــاك تـجـلـس فـي مـجـالـيـس الـشرار
خــدوش الـرجال مكـثرين الـهــذار=اطــيـبـهـم الـي فـي قـفـا الـناس مـنـشار
لاتــجـلـس الـى في مجالس خـيــار=الــي مـجـالـسـهـم بـه الـكـيــف يــنــدار
والــعــود الازرق بـادقــيـقــه يــدار=وحــيـلـن تـقـدم حشمت الضيف والجار
وجــزل الـسوالف من طوال العمار=مــجـلـس نـشـامـا ماجـلس فـيـه ثـرثــار
مــجـلـس من له كسب المداح كــار=زحــول الـرجـال الي لهم صيت وخبـار
الــي لـهــم عـنـد الـرجـال اعـتبــار=كــسـابــت الـطــالات وفـيــن الـشــبــار
مــورديــن الــي حــبـالــه قــصــار=لاجــاء نـهـارآ فــيـه زوغات الابـصـار
وطــيـب مـاهـو عند ناس احـتكــار=الــطـيـب فـي كـل الـقـبـأيـل والاقـطــار
لــكــن كـلان لـه طـريـق ومـســار=كــلـن عـلـى مـاقـادتــه خـطــوتـه ســار
دربــيـن قـدم الـرجـل دايــم تــبــار=دربــيـن لأزم بـيــنـهـا الــيـوم يـخــتــار
امــاء يــروح يـمـيـن والى أيـســار=ولــي أيــروح أيــسـار خـأيـــب وبــوار
والــي أيــروح ايمـيـن يـلـقـا وقــار=ويــصــيـرلـه عــنـد الـريـاجـيـل مقـدار
الــحــر لامـــنـــه وقــع ثـــم طــار=وعــود يـبـي الــمـقـاع مـن بـعد مطــار
تــراه مــأيــقــع وقـــوع الــحــبــار=مــأيــقـع الـى فـي مــنــيـفـات الاوكــار
ولايــشـتـقـي بـالـحـر غـير الـحرار=والــبـوم مـأيـشـقـابـــهــاء كـل صــقــار
وقـال الـمـثل ماخب رجل استشــار=ومــن لايـسـتـشـيـرك لادور مـعـه شـار
لاشـــك تــبــعـك لـلـمـقـفـيـن عــار=ولافــيـه مـعـروفـن يـجـي دون مخسـار
صــــــده ورده وبــــــــدل ادار دار=عــن رفــقــتــه جـوز وتـخـيـر فـلـخيار
تـــــراء الـغـنـي الله وخـلـقـه فـقــار=وشــيـخ مـاهـو شـيـخ درهــم وديــنـــار
الــشـيـخ مـن ينصا المواقف جهــار=بــلــمــال والـــحـــال مــــادور اعـــذار
يــنـصـا الاوازم ودعــاوي الـكـبـار=وشــــاره يــقــدي كـان عـمسن الـشوار
ولــيــانـخـيـتـه مـاطـلـبـك انتضــار=يــفــزع مـعــك بـطـيـب في كل مشـوار
حــصـنـن منيع ودون ربعه أجــدار=ونــضـراتـه ابـعـد مــن بـعـدين النظـار
والــي لــــيــاجــات الــوازم تـــوار=لــو كــان لـه بـشـت ومعه جيب فكسـار
ويــشـيـل خـتـمن كبر خف الحـوار=مــاهــوب نـافـع عـزوتـه مـيـت الـنــار
ان ســنــدو ربـعـه مـشـى بـنحــدار=ونــقـالــو امــش أيـمـيـن خالفهم ايســار
عــابــد وجـيـه الـنـاس مـالـه قــرار=غايب وحاضر صفر من ضمن الصفار
وبــيـتـن بـل سـيـسـان يغدي دمــار=لــــو طـــالـــت الــيــام لــبــد يــنــهــار
تــمــت ونــا سـمـيـتـهـا بـخـتصــار=الــجــامــعـه لـجل انـهـاء تـجـمع افكـار
افــكـار مـاتـترك عـقـول الـحــيــار=تــشـقـابـهـا الــعـقـال والأش يــحــتـــار
الــيــاء زعـل مـالـه عـلـيه أعـتـذار=يــصـفـق بـراسـه يـاعرب فاكبر اجـدار