مع التحية للشيخ / جزاع بن محمد الحريول السبيعي
جيت والأحلام ورديه على عنابي = والفياض مربعه والجو يمطر نوه
كن رجلي لا عتلا القمة تبي ترقابي = وكن من بيني وبين أبن سعود عنوه
لا بسٍ بشتي على كتفي واجرأثيابي = مظهرٍ وجه الترف والهم كله جوه
ناحرٍ بيتٍ ذرا للربع ولأجـنابـــــي = بيت عز من قديم وزاد عزه قوه
وين جزاع الحريول لي لزومٍ جابي = ودي اسلم فبل كثر الكلام وشوه
قالو اقلط مايغيب الطيب لوهو غابي = تو ماقفا يبيه معزبه من توه
قلت بالتوفيق لوهو فيه ماهو غابي = جدوله مزحوم وانتم ضوكم من ضوه
مير يامسفر عطه علمي وعطه كتابي = انت ابن عمي ومن بينك وبينه خوه
علمه واشرحله الموضوع وانت ادرابي = كله انت وماترى واللي تسوي سوه
مازبنت الا براس المستقل النابي = عن ضحاضيح السراب اللي رجاه يتوه
مايحوم الحر الشقر فوق عش غرابي = والجبل لا ماتساوى قاعته وعلوه
والذهب ما يعرف اقيامه سوى الذهابي = لولقاه اللي جهل به مادرا نه هوه
ان فتح لي صادق الفزعه بطيبه بابي = ماعلي من الزمن لوزاد فيني سوه
كن قب الصافنات المسرجه تسعابي = وكن الارض ومن على الارض اقربا وعنوه
وان تعذرماعلى الوجه الكريم عتابي = اعتبرني مذهبٍ لي ذاهبه ومنوه
اعتبرني ماسمعت الا الكلام اجابي = بس جوه كان ذاك اليوم ماهو جوه
اعتقد بعيد في بعض الأمور حسابي = وانتظر الايام لين شوفها محلوه
الوهايب من يدين الواحد الوهابي = ماتجي بالامنيات ولاتجي بالقوه
الشاعر / دلمخ مشعي السبيعي