هذة القصيدة للشاعر مفرج بن جفال بن عبيدان رداً على قصيدة أخية مطلق بن عبيدان التى مطلعها
( يــاخوان يالي ذكركم فالعرب حي= ذكراً يشــــرفني ويرفع مقامي)
يامرحبا وعداد منهو ملبي= وسط الحرم لبا ولبس الحرامي
ويامرحبا وعداد مالبرق يوضي=ضوحة يشقق مدلهم الغمامي
ويامرحبا وعداد مالنوريمحي= يمحى شعاعة كل سود الظلامي
ويامرحبا وعداد مالزهر يظفي= على الصحاري والجبل والعدامي
ويامرحبا وعداد ماينبع المي= وينبت على نبعة رياض الخزامي
بكتاب من يسكن بقلبي ودمي= شيخ الشيوخ الي كما الضلع زامي
شيخاً بلغ بالمرجلة كل مابي= أفخر بطيبة بين شرق وشامي
انا معك ياشيخ مادامني حي= اتبع رضاك ولك وفير أحترامي
دونك انا مارضاء ولا افهم ولا وحي= علمٍ صحيح ولايبيلة كلامي
انا معك بالروح والقلب ياخي= وجميع مملك فدوتك ياحزامي
ماهمني فالناس مقبل ومقفي= الناس ماعطيها كثير أهتمامي
الناس في تشبيها كنها الفي= يومٍ معك واليوم الاخر خصامي
محداً بذودة يارد العد مصفي= عد الضفاء ماياردة كل ظامي
أنا احمد الله لاقسى الوقت مشكي= ألا على المولى بديع الاسامي
أشكي ليازدت همومي لربي= ربً ليانام البشر ماينامي
هذا وصلوا عد مالرجل تمشي= وعداد من صلى الفريضة وصامي
وعداد ماناحت طيور تغني= على نبي الله كثير السلامي
[/poem]
للشاعر/ مفرج بن جفال بن عبيدان السبيعي