[ابن رتيبان]

ماكتبت البيت مـن دون المزاجـي=قبل اروّق وانتشي طعـم الرحيـق
واجمع افكاري على برواز عاجي=واتخير في الجزيل وفـي الطليـق
في البحور الطاغيات وفي الفجاجي=اتنـقـى درّة الـقـاف الوثـيـق
ياعجاج القيض تكفـى ياعجاجـي=بلغي خلي تـرى عايـش شريـق
انكسرقلبي مثل كسـر الزجاجـي=وفي غيابك صابنـي هـمٍ وضيـق
وفي بعادك صابني شبه ارتجاجـي=وفي وصالك ياهوى قلبـي شفيـق
كيف اقاوم واعتزي وارفع حجاجي=وفي بحر حبك غدى قلبي غريـق
موج حبك ياحبيب الـروح ماجـي=انت عشقي وانت حبـي والرفيـق
في عيوني طاغي العبرات راجـي=ولاسهـرت الاعشآنـك يالعشيـق
شفت حبك في خفوق الروح هاجي=وآعذابي مـن هـوى حـبٍ لبيـق
ارحم قليبٍ كويتـه كـي صاجـي=لعنبوحيّـك تـرى قلبـي رقـيـق
طف نـاري بالقـراح وبالهماجـي=في وريدي تشتعـل نـار وحريـق
ياعلاجـي لاتبآطـى بالعـلاجـي=والله ان الجرح في قلبـي عميـق
لاتخلي حبنـا يمشـي اعوجاجـي=ولاتسمّع هرج عاذل لـو صديـق
وان حكوا الحسّاد فيني واللواجـي=احذراحـذر لاتصـدق يالعشـيـق
قدرهم عندي مثل قـدر الدجاجـي=لايهمونـك عسـاهـم للحـريـق
كنت احسبك يابعد روحي سياجـي=لاغدروقتـي نصيتـك ياطـويـق
والله اني مانويـت الا الخراجـي=أنتظر قلبي متـى يصبـح عتيـق
ودام ساقي في حراوي البعد داجي=وين برحل دلنـي ويـن الطريـق
بعت حبي زاهدٍ وسـط الحراجـي=مادريت القلـب غيـرك مايطيـق
فآه من عيـنٍ كحيلـه والحجاجـي=شبّكـة قلبـي وانـا حـرٍ طليـق
اطلب الله من عيون الناس حاجـي=ابك زينـك معجـزة رب الخليـق

صح لسانك يا بو ليل


وانا نقلت القصيدة في هذا الاطار لتناسب اذواق بعض القراء



وتقبل تح يات / ابن رتيبان