تشرفت بدعوة أخي الشاعر:مطوع بن ناصر بن جمل القريشي السبيعي
بحضور حفل أقامه في مدينة الرياض وحضره عدداا من مشايخ سبيع.....أترككم معها
يافكر ياللي تلاعب عذب الألحاني=الكيف صبه ومد لنا فناجيله
دام إستوت لي عليها كل الأوزاني=مشيتها بإسم راع الواجب الليله
رفيقي اللي مراسيله على شاني=حقٍ علي آصله وأقبل مراسيله
ياطيب طاري النشامى يا بليهاني=ولي الشرف يوم أسوق الرجل وأجيله
حنا بني عم وإن جاء الواجب إخواني=واللي يجي بيننا نقطع مواصيله
بإسم أبوناصر حضرت وجيت له عاني=ومبارك اللافي اللي جيت عانيله
أول تباشيره إن الجمع له زاني=الله يصلح عطاه بصدق ندعيله
حفلٍ حضر له شيوخ وروس شيخاني=من ربعي اللي مقام الطيب تبديله
يوم إبن شويه حضر وإبن رميزاني=قلت الحفل تبهجه حضرت مشاكيله
حضورهم حفلتك ذربين الأيماني=يجمل الحفل ويكمل محاصيله
أشيوخنا هم ذرانا طول الأزماني=وحنا على رايهم في الوقت نمشيله
هيباتهم ترهب القاصي مع الداني=يوم القبايل بسلب ونهب حنشيله
ماجتهم الشيخه من الربع مجاني=ولا جت بحبة خشم ضحكه وتضليله
جتهم بفعلٍ شهد له كل ميداني=كم جمعٍ أقفوا على طيب رياجيله
ويسلم لنا اللي جمعهم طير حوراني=رفيقنا اللي نهل طيب مناهيله
من لابةٍ في المواقف تقضي الشاني=تاريخهم يعجبك تسمع تفاصيله
لاد العسيلي لهم في المجد عنواني=وقفاتهم دون عطف الوادي مهيله
بفعول خيالة الشرفا بشاماني=ماتوخذ البل ومن جا الإبل ياويله
جمعٍ يقوده مشاري يشف الأعياني=جمعٍ زما مثل وادٍ ضايقٍ سيله
ونفخر بفعلك وصيتك يابن هملاني=شيخٍ على نجد كله وافيٍ كيله
عنَز بشلفاً بفعله صيتها باني=وعلى الوغى بالشجاعه تدرِج خيله
وياهل الكرم والفخر ظفران شجعاني=واللي نواكم تبي تكثر غرابيله
وحنا لكم محزمٍ كان الزمن شاني=آلاد صامل هل الحرب ومداهيله
ربع إبن جروه رع الوقفه كحيلاني=شيخٍ حما بالطرف والسيف ينعيله
والإسم واحد لاصار فلان وفلاني=تلمنا سبيع جيلٍ من بعد جيله
سبعان لا صاحوا الفرسان سبعاني=عدونا في البلد تكثر بهاذيله
يبنون سلطان ويعزلون سلطاني=ولا يقبلون الخطا والظلم والميله
وتمت مع العذر كان إن فيه نقصاني=يكفي قليل الخبر عن بعض تطويله
وصلوا على أحمد عدد همال الأمزاني=من شاعرٍ يعتبرها أطيب عرابيله