|
الأمير الشاعر/ عبدالله الفيصل
كُتب : [ 09 - 05 - 2007 ]
نبذه عن عبدالله الفيصل (شاعر الحرمان )
حفلت حياة صاحب السمو الملكي الأمير / عبد الله الفيصل آل سعود - رحمه الله - بالعديد من الإنجازات ، وكانت مسيرة حياته مليئة بالعطاء ..
فقد ولد الأمير / عبد الله الفيصل بمدينة (الرياض) ، وعاش السنوات الخمس الأولى من حياته تحت رعاية جده جلالة الملك / عبد العزيز - رحمه الله - في الرياض ، انتقل بعدها في كنف والده جلالة الملك / فيصل بن عبد العزيز - رحمه الله - حين كان نائبا للملك عبدالعزيز في الحجاز .
وحصل سمو الأمير / عبد الله الفيصل على الشهادة الابتدائية من (المدرسة الفيصلية) - إحد المدارس في مكة المكرمة - وكانت هذه الشهادة من أعلى مراحل التعليم في المملكة في تلك الفترة .
ثم انكب على القراءة والتثقيف الذاتي ، وكان شغوفا بقراءة الأدب والتاريخ والسياسة ، وكان الشعر من أحب الفنون إلى نفسه .
عينه جده الملك / عبد العزيز - رحمه الله - وكيلا لنائبه في الحجاز ، وكان ينوب عنه في إدارة مجلس الوكلاء .
وفي عام 1370هـ عين سموه وزيرا للداخلية ووزيرا للصحة معا ، ثم تفرغ فيما بعد لوزارة الداخلية ، ثم تفرغ للأعمال الحرة والقراءة والاطلاع .
رافق والده الملك / فيصل في العديد من المؤتمرات .. من أبرزها : مؤتمر إنشاء الأمم المتحدة عام 1945م بالولايات المتحدة الأمريكية .
وكان سموه حريصا على مشاركة والده في اهتمامه بـ (مكة المكرمة) ومشروعات الحرمين الشريفين .
وبرع سمو الأمير / عبدالله الفيصل رحمه الله في نظم القصيدة واعتبر واحدا من فرسانها ، وفي عام 1373هـ استقبل الوسط الأدبي أول ديوان له بعنوان (وحي الحرمان) ، وفي عام 1403هـ أصدر ديوانه الثاني (حديث قلب) ، ثم مجموعته من القصائد النبطية في ديوان (مشاعري) .
وقد ترجمت أعماله الأدبية إلى اللغات : الإنجليزية والفرنسية والروسية .
- ومنح سمو الأمير / عبد الله الفيصل - رحمه الله - الدكتوراه الفخرية بقرار من مجلس أمناء (الأكاديمية للعلوم والثقافة المتفرعة) عن (مؤتمر الشعراء العالميين) المنعقد في سان فرانسيسكو في الولايات المتحدة الأمريكية عام 1981م .
- وفي عام 1985م حصل سموه على جائزة الدولة التقديرية في المملكة العربية السعودية .
- وحصل على (اللوحة الإلفينيسية لمدينة باريس) من السيد / شيراك عام 1985م .
- ومنحه جلالة الملك / الحسن الثاني - يرحمه الله - عاهل المغرب العضوية في (الأكاديمية الملكية المغربية) عام 1986م كواحد من أبرز الشعراء والأدباء العرب.
- وشارك في المنتدى الأدبي في (جرش) بالمملكة الأردنية الهاشمية عام 1986م.
- ورأس في نفس العام وفد المملكة إلى مجتمع الأدباء والشعراء في (المربد) .
- كما نال منحة مجلس (جامعة شو) بولاية شمال كارولينا في الولايات المتحدة الأمريكية .
- وحصل على درجة الدكتوراه الفخرية في (الأدب والعلوم الإنسانية) من مؤسسي (مؤسسة الملك فيصل الخيرية) عام 1989م .
وكان لسمو الأمير / عبد الله الفيصل دور بارز في النهوض بالحركة الرياضية في المملكة العربية السعودية عام 1372هـ :
- فقد أقام سموه أول دوري رسمي منظم لكرة القدم بالمملكة على كأس سموه في المنطقة الغربية .
- وفي عام 1374هـ شكل سموه (الاتحاد العربي السعودي لكرة القدم) للإشراف على تنظيم المباريات تحت مسمى (اللجنة العليا لاتحاد كرة القدم) .
- وفي عام 1375هـ أنشأ صندوقا للاعبين .
- كما تم اعتماد المملكة عضوا أساسيا ورسميا في (الاتحاد الدولي لكرة القدم – الفيفا) عام 1955م بفضل جهود سموه ، وأعلن رسميا من قبل الفيفا قبول المملكة عضوا رسميا عام 1956م .
- اعتمد سموه قيام ثلاث بطولات لكرة القدم السعودية .. أبرزها : (كأس الملك) و(كأس سمو ولي العهد) .
اجتماعيا :
لسموه - رحمه الله - عشرة من الأبناء .. هم : خالد ومحمد وبندر وعبد الرحمن وسعود وطلال وسلطان وتركي وفيصل والابنة سلطانة .
باقه منوعه من ابداعاته
طبع الليالي
جلسةٍ ماهو معي .. ماعليها خانه
كيف ابستانس وهو ماتشوفه عيني
مير هلي الدمع .. ياعيني الولهانه
يوم حال اللآل .. بين الحبيب وبيني
الليالي طبعها دايمٍ ... خوانه
عادة الايام تفريقه الاثنيني
عفت كل البيض .. والسمر انا من شانه
والبلى كانه عقب ... غيبتي ناسيني
نار الغدر
سلى القلب عنكم .. وانت ماتحسبه يسلى
الى شاف ماعافه .. سلى حب ..خلانه
قليته بنار الغدر وتحرك المقلى
تلذذ بشوفه ..يحترق .. فوق نيرانه
سنين وانا مخلص .. ودورت لك لك بدلا
ودادٍ مضى ملكتني به بريعانه
تجرعت كاس الصبر مرٍ .. على مهلا
لعل الصبر يوريك .. خطتك غلطانه
خلافي معك ابيك .. تعلي عن السفلي
وأبي سيرتك في الناس .. بالحمد مليانه
الى شفت مارجي فيك .. من سيرة مثلي
تقلب طعم الموت والنفس فرحانه
ولك وياللهول .. ارخصت مايغلي
بذلي .. وذلي .. دست حبك على شأنه
ترفعت عن ماردك .. مااعاد لي مدلي
اعاف القراح الي ..سفى فيه معطانه
مثيلك يعيش بخير ... مع لابةٍ خبلي
موازينهم بالعرف .. تشبه لميزانه
تحسف الي ماذقت ما انت .. له اهلا
يجي يومك اللي .. ماتحسب ... حسبانه
فمان الله
الاوشيب عيني .. يوم قالوا لي فمان الله
وحققت انهم من عقب ... جمعاهم مقفيني
تغايالي .. خيال الموت يومه مد لي يمناه
ولد بعينه الخرسا .. عقب ماقفى يراعيني
نهت وقلت مما جال بالصندوق ..وعزاه
سراب اللآ باكر ..يطرد مابينه وبيني
حلفت برب خلقه .. لو يطول البعد انا منساه
انا وشلون ابيع اللي .. من العربان شاريني
تصبر .. ياخفوقٍ صار داه اليوم .. وسط ارداه
على رجوى ان رب العرش .. يدنيهم ويدنيني
مثل ماخذت قلبي ..قلبي المحبوب .. عطنى اياه
على شان انتساوى في المحبه والموازيني
الى قارنت غيرك بك خجلت .. وقلت ونقصاه
انا وشلون اقارن .. كامل الاوصاف بالشيني
ولو هو في حلى يوسف .. كسف لي بنت نور اضياه
وختم القول رب بك ... تبلاني ... يقويني
عطني وعد
عطني وعــد واخلف ولاتودع الياس
يقضي على نفســــي بقطعت رجــاها
يامــن ملــكني قبــل زينه بالاحساس
ورجــــل عــن النـقود تقصر خطاها
ياقـــبلة القــلب الـمعنى مــع الـناس
لاجيت اديره حاص غصب ونـصاها
حــــبك نشـــعني من مواطي للراس
يامـــصدر الشــــكوى و يامنتــهاها
جري مــجاري الدم من غير مقياس
مـــا بـاقي بــي جـارحــه مـامــلاها
خـفيف روح ولـو عـلى زبدةٍ داس
قـدمك سـلمت وكن عرشـك عداها
الا واشيب عيني
الا واشيب عيني يوم قالوا لي فمان الله
وتحققت انهم من عقب جمعاهم مقفين
تغايا لي خيال الموت يومه مد لي يمناه
ولد بعينه الخرسا عقب ماقفى يراعيني
نهت وقلت مماجال بالصندوق واعزاه
سراب اللال باكر يطرد مابينه وبيني
حلفت برب خلقه لو يطول البعد انا منساه
انا وشلون ابيع اللي من العربان شاريني
تصبر ياخفوق صار داه اليوم وسط ارداه
على رجوى ان رب العرش يدنيهم ويدنيني
مثل ماخذت قلبي المحبوب عطني اياه
على شان انتساوى في المحبة بالموازين
ايلا قارنت غيرك بك خجلت وقلت:وانقصاه
انا وشلون اقارن كامل الاوصاف بالشين
ولو هو في حلى يوسف كسف لي بنت نور اضياه
وختم القول رب بك تبلاني يقويني
لاتحاول
لاتحاول كل شي انتهى
حبنا الي فات لايمكن يعود
حبك ،الي كان في قلبي فها
ويش اسوي صاب عاطفتي برود
مالقى قلبي بقربك ماشتهى
مالقيت الا المذله والجحود
اشهد انك فقت جيلك بالبها
ون زينك طاغي ماله حدود
مير عيبك ياجذ وان المها
ميت الاحساس ياوردي الخدود
ون عرضك لاهي به من لهى
ون عقلك ناقص مافيه زود
لاتكحل
لاتكحل .. مايزينك الكحل
الكحل خله لمن .. زينه عوارى
واطيٍ فوق العذارى ..بالرجل
ماحد لك بالبها منهم يجارى
من بغى ينكر جمالك يالنجل
الحظه مثلي وخله لاتدارى
انت تذكر يوم .. تنطحي عجل
يوم تحظني بعينك .. وانت سارى
إبتعد عني
إبتعد عني ماحبك وش تبيبي
قدرك العالي رميته في الثرى
واحسايف قوليتي لك ياحبيبي
يوم قلبي مولع بك مادرى
إنك الغادر وقصدك تلتهي بي
ون عاطفتك تباع وتشترى
إنس وقت فات مالك به نصيب
لاتذكر ،لاتذكر ماجرى
يوم هفت شمس حبك للمغيب
استرحت وعاد لي طيف الكرى
من يسد بمكانه
قرب الرحيل ... وخاطري منك ماطاب
ياواحد عندك .. حياتي رهانه
تدري .. بعله واحدٍ منك..منصاب
اللي بقلبه لك .. يقوله لسانه
بك طيب لو ماحط بك .. زين الاطياب
ياغصن بانٍ ناعمٍ به .. ليانه
ياليتهم .. سموك يازين معطاب
حيث ان حبك .. بالضماير ..مكانه
كلن عذلني فيك عدوان.. واصحاب
واقول خلوني وكلن وشانه
وان قيل ..الابدل احباب باحباب
قلت آه .. لكن من يسد بمكانه
الحرمان
انا وياك يالحرمان في الدنيا غدينا اخوان** مسيرتنا سوا في كل حاضرنا وماضينا
مشينا فوق درب السهد والآلام ولأحزان** حيارا في خضم التيه ماترسي مراسينا
تباشير السعادة عن نظرنا لفها النسيان** وفوق اهدابنا ماتت من الحسرة امانينا
على درب الالم تمشي مواطينا على النيران** ظلام الياس ينشرنا على حبله ويطوينا
ترانيم الهنا في يوم مولدنا غدت صلبان** صلبنا فوقها من غير ماتجني ايادينا
تعوضنا عن البلبل وشدوه نعقه الغربان** وعن غصن الزهر غصن بعكف الشوك يدمينا
هلا باللي يبي ينظر بعينه قوة الانسان** يجي ينظر تجسدها بكل اطوارها فينا
تعاتبني
رضيت لي ... هون القدر والمذله
وارخصتني ... وانا مع الناس مغليك
وطاوعت في اربوع قل لي ... وقل لهعدوانى اللي طايلتهم حسانيك
مبنى الغرام اللي ... نعمنا بظله
من عشرة اعوامٍ هدمته بياديك
قمت تعاتبني على غير ... زله
ومن اول حبي عن العيب ... معميك
سيف الجفا يبرق بيمناك ... سله
تهوبني به يوم ... كثرت طواريك
خلك بعيد هو لك الكل كله
حسيبك ... اللي بالفعايل يجازيك
يا طول حرماني
يـاطول حرماني .. عيوني تراعيك
وعـن مـاتريد الروح تقصر يديني
حتى الحكي ما اقدر مع الناس احاكيك
مـع حـالو الـحساد بـينك وبيني
مـايتركونك لـحظة لي وانا..اجيك
وابـدي لـك الـخافي وابيح كنيني
وادري بهاجس خاطري ويش طاريك
هـو انـت تـكره شوفتي او تبيني
هـو انـت مـثلي هايمات ظواميك
عـلى حـياضي غـادي لك حنيني
او ان قـلبك مـع حـبيب مـهاويك
يـسقيك خـمر الـحب يانور عيني
امـا قـصرت ارشاي ماعاد لي فيك
والـباس فـي الدنيا حدى الرحتيني
والا وردت ودسـت بالرجل حاميك
والـصادق الـلي بس دونك يجيني
يعتبر من الرواد الكبار والعظام في مجال الشعر سواء الشعبي او الفصيح وفي مجال الرياضه
وعلامه فارقه في تاريخنا المعاصر
رحمه الله واسكنه الفردوس الاعلى من الجنه
|