[فـــالح السبيعي]

المشاركة الأصلية كتبت بواسطة مسعود الحويزي

الضعيف اللي تغيــّر عن مكانه = وحط نفسه في مكانه ماقدرها
شاف حاله والسبب راحة زمانه = صارت الرعيان تاكل من ثمرها
سولت نفسه بأن الشأن شانه = والليال السود مايخسف قمرها
علموه يحط في بشته بطانه = لو رقى في منزّله صعب يعمرها
أبك والله لو يجي ياليل دانه = والله إن عتـبـة بابه ماطمرها
بدل البشت الحساوي خيزرانه = والدروب اللي مشى فيها قصرها
صار يرضى في حياته بالإهانه = وشوف نفسه لاكسرها ماجبرها
نسأل الله رحمته والاستعانه = وكثر شكله في بلادي مادمرها
يابلادي واصلي بالله وأمانه = وسارعي للمجد والعليا نظرها
وارفع الخفاق وإشعار الديانه = ارضنا الاسلام والسنه بحرها

ياساتر ياساتر
بشت وخيزرانه ونشيد وطني ... أكيد فيه عرس وإلا حفل كبير
تصوير للحويزي خاص ويعجبك وللإعجاب حكايات
مع مسعود الحويزي ... تسلم يابوفهد وصح لسانك
لك صادق التحايا