[الحميدي السويدي]

المشاركة الأصلية كتبت بواسطة المنتبه

يا راع الحسنه قلي وش ذا الحسنه=من قدم الحسنه لنا بجزيه
لكن والله ما خبرنا حاجة=يا لا جودي تحتاج لك تنبيه
أكيد ما تعرف أفعول الغلبا=يا للي تشيل الهم وتوطيه
وان كان تومن بالمثل والحكمه=(( الصقر من لا يعرفه يشويه ))
واليا أعتر فت بزلتك يا جاهل=لا تشغل العاقل ولا توذيه
حقائق تحسب لنا وثائق=وبها أعترف بالحق من تعنيه
واللي تضايق ما حسبت أحسابه=البحر الأحمر والجبل يرضيه
تاريخ ربعي حافظه في صدري=أعبره بالقول وأفخر فيه
أما المهايط ما نعرف أسلوبه=يرجع لك التصنيف يا راعيه
محدٍ مشى وراك وأنته قدمه=تراك واهم بس قلي ليه
وإن قلت لي عزيز وش هو عزك=عزك هدمته قبل لا تبنيه
حنا بنينا العز وأنته تهدم=يا بايع سوء البلاء شاريه
والقول منا يا لضعيف يخصك=يا سارح بالسوء ومظويه
وين التقدم ماش غير الدجه=لا كاسب ٍ مال ٍ ولا مهديه
لكن خلك بين عودك وأمك=في ظل من ستر البشر يضفيه
مالك ومال أعلوم ما تقدرها=تبلش بها والقول ما توفيه
وعندي علوم ٍ ثانية مذخوره=وإن منتها السفيه أبا ربيه
والصدق نور ٍ فالدجاء يسرابه=والكذب ليل ٍ ضائع ٍ ساريه

الشاعر / ذياب بن دحيم السبيعي

	الاخ العزيز المنتبه بيض الله وجهك على طرح هذه الشامخه من الشاعر والراوي الكبير ذياب بن دحيم السبيعي وأبو محمد لا تستغرب عليه الحمية دون ربعه سبيع عامه وله وقفات معروفه لا أحد ينكرها ومن جاء على درب الخطاء يستاهل ما جاه أسجل إعجابي وتقبل تحياتي وتقديري .. أخيك ومغليك أبن بلعوس