[الحريص]

هذه القصيده من الشاعر شبيب شاهر السبيعي
رد على رديني سعد السبيعي

جاني جواب من رفيع المبادي...............................ورحبت به وأنا على الرد ملزوم
يا مرحبابه عد نشر الجرادي.................................واعداد ماينشا من القبله غيوم
ترحيبه فيها شذى ريح كادي...............................وأيضا معطرها بمسك ويشموم
تخص من ساق البيوت الجدادي..............................ابو سعد سهل النبا جعله يدوم
جتني بيوته ثم هاض الفوادي...............................هاض الفواد وقمت افكاري تحوم
ذكرني رديني طيور الهدادي................................اللي خذاهم مجري الليل واليوم
والموت بمر اللي عليه اعتمادي..............................كم قد خذا من طيب الناس صاروم
هادي رحل ثم مات عقبه بجادي............................والموت ما يختار قوم على قوم
مافيه مخلوق على الارض سادي............................الدائيم اللي عنده الرزق مقشوم
وحم الذرى تبكي عليهم وكادي.............................ذاك الغلا من عقب الاثنين معدوم
ماد خلوها في حراج المزادي.................................ولا يقبلون البيع فيها ولا السوم
ويرعونها في حر ولا برادي..................................في خايع من عز الامزان ماسوم
والاد صامل في نهار الطرادي................................حريبهم ياطيب الفال مهزوم
كل ابلج دون العشاير يفادي.................................يبيع روحة في اللقاء كل زيزوم
عزاز النفوس أهل السيوف الحدادي........................ولا خير في اللي مالهم مجد وسلوم
وسلم وسامح يارفيع المبا دي............................واقبل جواب اللي عاى الرد ملزوم