هذه قصيده جديده لشاعر / شبيب بن فهيد السبيعي مرسله لشاعر الكبير / علي بن ربح بن مصلح .
أتمنى أن تحوز على راضى الجميع .
ياعلي أنا أخبرك شاعر واصل القمه=شاعر قبيله ومشهورٍ على الساحه
فني بشعرك وحبلك ياصل الجمه=تارد وتشرب زلال الماء على الراحه
أبستشيرك عن الموروث وش طمه=في عصرنا اللي شكا الطيب من أجراحه
شعر الحداثه له الجمهور ملتمه=عبر القنوات كلٍ وجه سلاحه
واللي يبدل حروف هجاه بالضمه=اليا وقع بالحما مافاده صياحه
صحيح ماكل ضايع يعرف اليمه=ولا كل شخصٍ حمى العدوان يجتاحه
موروثنا يا علي ياكثر من ذمه=تسمع وأنا اسمع عن المليون بالواحه
كلٍ يحاول رضى الجمهور ويهمه=يهمه اللي يحاول يكسب أرباحه
هذي حقيقه وأنا مدخل بها الذمه=والحر يعرف مدى صيده وملواحه
وإنا عرب والعرب تمتاز بالهمه=الصف واحد على العدوان نطاحه