فيها عقود من الماس لمن يعرفها ويكسبها
البارحه يوم العرب ذهال = طاري طرالنفس وأشغلها
يا لله طلبتك صالح الاعمال = من غيرك الارزاق يكفلها
افرج لعين دمعها همال = تسهر وعيا النوم يكحلها
بين الدلال الصفر والفنجال = يترجم الأفكار معملها
ترجم وجاب بلي الخيار أجزال = وأحترت فيها وين برسلها
حتى أن بن هندي خطر في البال = أسمن الياجتله يجملها
طرايف فيها طرحت أسوال = على عمر قده مفصلها
فيها عقود تتعب الحلال = يحلها ولايحولها
ستن الياوزنن يجن ثقال = واللي نقضها غير فاتلها
ياويش بنت ماتجيب أعيال = اول شبابك كنت مزعلها
واليوم قلبك في هواها مال = بناتها خمس تماثلها
غيدن مهرها كره الرجال = من أم وحده لا تجاهلها
من ظهر حر وعبد جن أشكال = والي يعرف العلم حللها
الغيد خمس واليال طوال = واما عرفت الحل فزهلها
دام الجمل في حكمة الجمال = خل الظوامي ترد منهلها
العقل هيبه يكسي الرجال = وزكى تحياتي تقبلها
الشاعر /سعد عويد السبيعي