الطيب وهبه والمراجل توافيق=ومن لا نشا بالمرجله ما لحقها
مشكور اخي الرايق
على هذا الخبر الذي نتشرف به
ولا شك ان الاخوان مايحصل بينهم شيء مهما كان
كما ان الحاقدين لايسيرون في طريق الخير
بل يسعون لاثارة الفتنه
حسبنا الله عليهم
عساف الحضبي
وخالد بن ثفنان
عينين في راس
عيال عم وعواني
واليكم قصيده رائعه اعجبتني
اهديها لاهل المرجله والمواجيب وهي لسعود القت
المرجلـة عـدٍ عـذي المشاريـب=ولا كـل وردٍ منـه تمـلا قربـهـا
والهرج له وجهين ويتيع ويصيـب=والمخطية داها علـى مـن نسبهـا
وبعض الحكي فالناس مثل الدغاليب=فالجمة اللـي كـل مسنـي شربهـا
ولا تـورد الحجـة بليـا تسابيـب=والـدوم مثـل النخلـة الا رطبهـا
والنفس ضيفٍ والخطايـا معازيـب=ولا كل رجـلٍ لا تناحـت قضبهـا
يغرهـا زيـف النبـا والتراحيـب=وتدلج بهـا لمعـة صنايـا شببهـا
شيطانها جاهـد يمـس الاطانيـب=يخدع وممكن مـن عقدهـا كربهـا
والعلم عنـد الله جزيـل التواهيـب=ومن جت بنفسه خصلةٍ ما حجبهـا
أحـدٍ تسامـا شامخـات المراقيـب=وليا عرض فالدرب هزعـة وثبهـا
واحدٍ توسط بين عـرفٍ وتدريـب=مـرٍ تعـداهـا ومــرٍ عقبـهـا
واحـدٍ تعبّـت قلتـه بالعـذاريـب=عطّـف دحاليـل الهـوان وحلبهـا
ومن لا تعلم من دروس التجاريـب=ما فادتـه جملـة جـروفٍ كتبهـا
والعمـر مدلـج والمنايـا مكاتيـب=وصدوفنا تضحـك وتفتـل شنبهـا
إناكـخ الايـام شـرقٍ وتغـريـب=مـرات تغلبنـا ونـوب انغلبـهـا
نصبر على الشدة كما تصبر النيـب=زمل التخوت اللـي تبـاري جنبهـا
تسوقنا الاقـدار سـوق الجلاليـب=وليـا نـوت حاجـة تهيـا سببهـا
لو نمتنـع عنهـا فشقنـا مكاذيـب=معجبـك ياعـوبٍ يعسكـر جربهـا
وزلة رفيقي ما تجيـب المحاضيـب=والجـار ميلاتـه علـي محتسبهـا
وبعض العباد تقول مسيّف قصاصيب=تبـاع آثـار الغانميـن وشذبـهـا
والمرجلة بنـتٍ والامـة خطاطيـب=والطيـب مهـرٍ والجمايـل ذهبهـا
كلٍ يبـا المطـلاع ويـدوّر الطيـب=لكـن قسمهـا الإلــه اوهبـهـا
ما تنوخـذ بالمـال والا المناصيـب=ولا تلتفت فـي كـل راسٍ خطبهـا
ولاهي على الكشخة وجد الاكانيـب=كم واحـدٍ لـن مـا نكبتـه نكبهـا
يبا البيان وبان مخفى مـن العيـب=والدبج دلوه مسعـدة مـن جذبهـا
قامت تموحـه مبعـدات المجاذيـب=ولا هـو كفـو للنايبـات وطلبهـا
بلش مع اهل الشوح واهل المواجيب=وزوزابها في ساعـةٍ مـا حسبهـا
ومن لا نفع ربعه ما سر الاجانيـب=تطيـح نفسـه لـو يكبـر لقبهـا
وتبقى المراجل عند عكف الاشانيب=ومن لا سعى في حاجةٍ مـا كسبهـا