ياخوي إسمع كلامـي بالعدالـه =بأسولف معك وأعطيك الرساله
إذا قلبك مـا حـددت إتجاهـه=ترى تصبح كذا حالتـك حالـه
حـرام إنـك تشتـت بالمحبـه=على ناسٍ توردك الجهاله
لزوم تشوف لك واحـد تحبـه=وبلاش تقول مايكفـي لحالـه
لأني قبلـك مجـرب وعـارف=عرفت الحب ظلمـه والعدالـه
عرفت اللي هويت وبإختيـاري=ولا يمكن يجـي واحـد بدالـه
غزالٍ صابنـي سهمـه بقلبـي=بشرع الحب شرع لـي حبالـه
عليه أموت ما أنسى كل لحظـه=ولا أنسى سالفة ذيـك الغزالـه
حبيبي يـوم حلـوات الليالـي=تذكرني مـع الوقـت وزوالـه
جرى لي معه وقـتٍ مانسيتـه=محال أنسى سوالفـه وجمالـه
قبالـه فـي خيالـي ماتغـيّـر=عسى ربي مايحرمنـي قبالـه
ليا أقبل لي بعد دعوى غيابـه=أعانق صدر سلسالـه وشالـه
وأغيب أغيب عن باقي الخليقه=وغيره في البشر مالي ومالـه
وأسجل لحظة الشوق البديعـه=على صدرٍ غلا شوقي مشى لـه
كذا حبي مع البنـت الشريفـه=وليـدة مـن يـظللها ظلالـه
أبوها اللـي يشاركنـي غلاهـا=ودللها علـى باقـي عيـالـه
شرحت الشرح وأفهم في كلامي=بعد هالحب محتـاج لوصالـه