اقول يا زل الطرب
انت وانا اخوك غالي واخو شماء غالي.
وما دام انك تعرفه وهو يعرفك . فهرجه يا مال الشحم على التلفون وبينوا الامور لبعض .ولا تخلون القوارش تجي بينكم . ترى في هالنت عدوان في ثياب صدقان وواجد جعلهم ما يكثرون .
ولا تسمح انت واخو شما بوجود فجوة بينكم يتسللون خلالها منبشة القبور وموغلة الصدور . رديين الاصل .وللأسف ان بعضهم ممن يحسب علينا . مخاشرنا في آخر اسم ننتمي له وهو والله انه اكبر عدو لنا.
اما سالفة انسحابك انت والا اخو شما . فترى ماهيب حل .لأنهم اذا قاموا يملصون الطيبين واحد ورا الآخر ما عادنا بلاقين باقي الا الرعاع ومشوبرة القناع. واللي رداهم بين من اول وتالي.
زاللي تقول انه حاول يفرق بينك وبين اخو شما .اظهره وبينه . اما انه يكون بحسن نية ويرتدع والا يكون واحد مجلاسه بيننا مثل مجلاس ملحقين المشاهيب ويجب ان نحذره. لأن هذولا طبيعتهم استغلال سوء التفاهم اللي يصير دايم بين ابناء العمومة . لاثارة الفتن .