[محمد بن حمدان]

مزاجية

!!

يا شِين لا عكّر مزاجك حبيبك =يقلب حياتك كل أبوها نكاده
من بعد كان اللي تحبه طبيبك !! =اليوم من قلبك يبوق السعاده !!
بسهوم صده والتغلي يصيبك =يا قو قلبه فيه صبر وجلاده !!
يا قاتلي مشكور ربي حسيبك =جب ما تبي لو كان عندك زياده
قلبك مثل ما ابعدك عني يجيبك =وتعود لي عودة كسير الإراده
في وقتها ترجع وتذكر عطيبك =واللي عطيته سهم قسّم فؤاده
لا تخاف ما بذكر سوى فوح طيبك =والفارع اللي طوقته القلاده
يكفي حبيبي لا تكدّر صويبك =ذبح المشاعر لا يجي فيك عاده
ترا حياتي تنتهي في مغيبك =مثل الملك وش هو بليا بلاده ؟!

محمـد بـن حمـدان المـالـكـــي
الرياض - 3/6/1428هـ