[مشاكس مؤدب]

بسم الله نبدا

واتشرف ان ابو يزيد اول من قلط على الموضوع ولعله فاتحة خير ان شاء الله

واتدرق في الله ثم فيك من شر كل من فيه شر

ثم اما بعد
فيه سلبيات عامة وسلبيات خاصة
اما العامة فان هذا يجرنا الى التحدث في مجالسنا عن المزاين وما بيصير عند الناس من السوالف الا المزاين وهذا بالتالي يجرنا الى الكلام عن مآثر القبيلة
وشهي مآثر القبائل عندنا او عند غيرنا من القبائل
فتوحات اسلامية
نشر للدين

لا
كل اللي عندنا راحوا الفلاينة وسردغوا الفلاينة واخذوا اموالهم وحليلهم
قطاعين طرق مايحب الله منهم لا زين ولا شين سرق ونهب في الضحى من النهار
ويقولون مآثر
وهذي المآثر تراها باطل في باطل والتمدح بها تمدح بالذنب والشر والمعصية ومباهاة بالمعصية
ولا يستثنى منها الا من حاول غيره ان ياخذون ماله وامتنع ماله بشجاعته هذا يستثنى
اما اللي يغزي او يقتل شخص على شان ولد خالت جدت جارتهم ذبح اخوه
هذا باطل وذنب وما يتمدح به الا الجاهل

أما السلبيات الخاصة فهي

المباهاة التي يختلط فيها الكبر والخيلاء التي مقتها الاسلام وما احد منا جاي من المريخ والا من عطارد كلنا من الارض وكلنا نعرف ما هو طبيعة شخصية من يشارك في المزاين كلهم هيط في هيط الا من رحم ربي وكل واحد يتلفت في اللي حوله ويشوف كلامي صح والا خطا

وهذا الكلام لا اعممه على اهل الابل فكثير من اصحاب الابل فيهم الخير والصلاح اما من ياتي يحوشها من ديره لديره على شان يزاين بها فهو فيه من الكبر والخيلاء الشي العجيب

ثانيا فيها الاسراف والتبذير : كم ينفق فيها من الملايين ؟ وماهي النتيجة التي تجنى من هذا الانفاق كله

ثالثا : اين تذهب بقايا الطعام المعد للاحتفالات .
هل من مجيب لي فان غفلتم وتغافلتم عن هذا فهل تعلمون ماهي عقوبة من كب النعم ؟

ام انكم لا تعلمون ؟ ان كنتم تعلمون فهذه مصيبة وان كنتم لا تعلمون فسوف اعلمكم .

فيها العصبية القبلية الممقوته وفيها بذرة حسد فهل يرجوا من سووا مزاين قبلنا ان نكون احسن منهم ام نكون اردى منهم
لا احد يسوي نفسه بري ويقول اكيد بيتمنون ان نكون افضل منهم
اقول لك لا يابري
بل ان من سبقنا يريد ان نكون اردى منه ومن جاء بعدنا نريد ان لا يتعدانا بشي
ولو جاء بعدنا ناس وسووا مزاين ثم صار مزاينهم ازين من مزاينا ماذا سوف يدور في قلوبكم الا تظنون انه بياتيكم شي من الحسد
ممكن اللي منكم ما يعرف الحسد يجاوب بالنفي .

والله رزقك ناقة زينه وش هو له تاخذ ملايين على شان انها زينه؟ طيب انت اللي خلقتها على شان تكافأ على زينها ؟
ثم ان هناك شي من الطبقية التي سوف تحدث في المجتمع هذا شخص ابله يعطيها الليل والنهار تقول وصفة صيدليه يطعمها ثلاث مرات باليوم وانبزخت الناقة راحت تقول عمارة وقالوا انها زينه لانه غني عنده مال

لكن فيه واحد فقير ابله ما تلقى الا المريس في السطول والركاوي عند الوايت تلقى الناقة جايها شد عضل تسحب رجلها تمشي تقول دادسون مكسور عمود التوازن

ماهي نفسية هذا الفقير وهو يرى ان ذاك الغني اعطي مكافأة بالملايين على شان ناقته سمين

ياناس خلوا عندكم بعد نظر

ناتي الى موضوع كبيييييييييييييييييير مايفهمه الا الكبار اما الصغار فهم مثل الاطرش في الزفه

فيه شي اسمه غسيل اموال

سوف اتكلم فيه بعدين لاني احس اني طولت عليكم

وغسيل الاموال هذا فيه دمار دول أي نعم دمار دول وقد يستخدمه اصحابه في سوق الابل والبدو ما يدرون وش السالفه على نياتهم

ياربي ان اتقبل رايهم المخالف لي فاجعلهم يتقبلون رايي المخالف لهم

وتقبلوا تحياتي