السلام عليكم :
يسعد مساك الله يمسيك بالخير=والله يَجَمّل في حَيَاتَك حَيَاتَك
ويسّعَد صَبَاحِك كِل ماغَرّد الطَير=والله يحقَق لك جميع أُمُنِيَاتِك
غيرك ترا ماله مع الوقت تأثير=ولا له من إللي تملكه من صفاتك
أنت الوحيد إللي فقط بس لاغير=لو قال روحك قلت سهله وجاتك
دقيت في قلبي ثلاثة مسامير=وعلقت فيها ياحياتي غلاتك
الحب والأخلاص وشوق الغنادير=وصايفك من طيب أصلك وذاتك
(بنت) الرجال إللي تقود الطوابير=والطـُهر والعِفـَه توشح عباتك
هل يا تـرى بنساك وأترك للغير !=أنته منايه دامني لك مناتك
وكانك تبينا نسكر الحب تسكير=اذكر ترى نزّع المسامير فاتك !
مصيرنا فاللوح مافيه تأخير=ساعة وفاتي تختلف عن وفاتك
لو إفترقنا فرّقتنا المقادير=والله يصبرني على ذكرياتك
آمر تدلل مأبي منك تبرير=والله يحقق لك جميع أُمُنِيَاتِك
وسلامتكم ,,,,,,,,,,