[مسعود الحويزي]

السلام عليكم

مشاركه بسيطه اتمنى ان ترقى الى مستوى ذائقتكم العاليه

/
/
/

آآآآخر رساله وإقرها زين يازين = صدك كذا ماهوب معقول ياهووووه
جمله مفيده وإقرها بين قوسين = ( من صد عني بس كذا قلت لا .. بوه )
قلبي دليلي يوم شفناك بالعين = قال انتبه لا تصدقه شخص مشبوه
اشك فيه وعندي أيضاً براهين = من جلسته كنه محرول ومسبوه !
تبا الحقيقه صاحبك شكله إلعِين = يمكن نهاية حبكم مثل ( صادووه )
حاولت ارد القلب لا كنه إذهين = شد انتباهي بإنتفاضه وقال .. اوووه
بقول لك قاف(ن) فصيحاً ولي دين = وانت وضميرك لا جرى قوموا اقروه
لَقَد كشفتُ فيه غَدر المحبين = يُخفي بقَلبهِ عكس ماقَال لك فُوه
يضحك ويمزح بالمشاعر ومسكين = ولا تلحقه شرهه ولا منه مشروه
جاهل ولا يدري عن الزين والشين = أصبر عليه ايام ويضيع ويتوه
مشكلته إنه ناقص العقل والدين = قربه حلال وطاعته شبه مكروه
عايش حياته كيف ماجات ومنين! = هده زمانه والمحبين هدوووه
هذا انطباعي عنه لو صار بعدين = حلقات حبه كلها شيء شفتوووه
قلت اشكرك قلبي .. وياقلب هـ الحين = لا صد عني قلت لا .. بوه لا ... بوه

/
/
/
/
وسلامتكم ,,,,,,,,