السلام عليكم ورحمة الله وبركاته :
هذه صفحه من الذكريات التي بقت في مخيلتي ولن تزول من الذاكره
ليس لأنها تذكرني ببداية إنطلاقتة هذا المنتدى الشامخ فقط . بل انها تذكرني
ايضاً بإخوان لنا نتذكرهم دائما ً وسوف يبقون في الذاكره ايضاً للأبد وهم
الاخ الشاعر / سعد بن جراش والاخ الشاعر / المزاح والاخ الرائع بأخلاقه ( موصاحي )
والكثير والكثير منهم هؤلاء على سبيل المثال وليس على سبيل الحصر
اتمنى ان نراهم في هذا المنتدى مره اخرى واتمنى أن يكونوا في أتم صحه وعافيه واحسن حال .
اترككم مع صفحة الذكريات :
/
/
/
قصيدة المزاح ( موجهه لأبو عمر )
جتني الدعوه ورحبت وابديت السـلام= وآتشرف يوم اشارك واقول الله كريم
منتدى السبعان ربعي تعلـى بالغمـام= واذكر الله وآتعوذ من ابليس الرجيـم
بيض الله وجه من يستحق اغلى وسام= صممه واخرجه للناس بالشكل الوسيم
اشهدٍ مايلحـقـه لاكــلام ولامــلام= وكل قسم ٍ صار بْاشراف رجال ٍ حكيـم
ماتوقع له شبيهٍ سـوى بـدر التمـام= منتدى وآحلى اساميه يالغلبـاء عديـم
بالجزاله فالمواضيع ياعيـال العمـام = اشتهرنا مثل طيـرٍ يداعبـه النسيـم
وبشاعر الفصحى اقتدينا وذبينا السنام = العضايم تصغر بعين رجـال ٍ عظيـم
الشاعر / المزاح
قصيدة ابوعمر رد على المزاح
لا ذكرت الطيب والمجد والناس الحشام= قدم المزاح لا من كتبت اللسـت نيـم
راعي الطالات والجود مرفوع المقـام= له معـزه ثابتـه والله العالـي عليـم
ما بنينا المنتدى غيـر للنـاس الكـرام =قاصرينه عن ردي العزايـم والحريـم
أنتم انجومه ليا صار بدر ٍ فـي ظـلام = بيـن عالـم وامتعلـم ورجـال ٍ فهيـم
تاج راسي ربعي اللي يضدون الزحـام = طيبهم ساس ٍ مسيس على الراس القديـم
جامعين الطيب والمرجلـه والإحتـرام = ماخذين الطيب فطره زعيم عن زعيـم
لو بنتبع بازغـات المعانـي والكـلام= طال ردي واقبل الشكر يالقلب السليـم
الشاعر / خالد الشماسي (ابو عمر)
قصيدة سعد بن جراش ( مجاره )
باسم رب البيت حامي حمى البيت الحرام = بابتدي باسمه وباقول عفوك يارحــيم
ثبــت اللي جاك راجيك وذنـوبه عظام = ماقصد غيرك ولاغير عفوك يستهــيم
بعدها شفت المباني وتغريد الحــمـام = شاقني طاروق الاخوان والصوت الرخيم
جيت اشارك وابدي الراي ويبيّن المرام= واعلن اشواق ٍ لجت فالحشا وسط الصمـيم
للرفاقه طيب ٍ اكثر من رمال العــدام = ولك ياخالد طيب ٍ احلى من تمور القصيم
وللعديم اللي على ماكر اهل الطيب حام = وانتشى في شوفهم لابته واصبح مقيـــم
لابته هم لابتي تاج راسي والحزاااااام = ياسبيع العز ياهل الصراط المستـقـيــم
الشاعر /سعد بن جراش
قصيدة / مسعود الحويزي ( مجاره )
ياهجوس الشعر بالقاف فزي والهمام = واعتزي بافعال ربعي موطيت الخصيم
لا زبنهم جالي الدم يهناء بالمنام = مكرمين السيف والضيف والجار اليتيم
نازلين اديارهم بالمشوك والحسام = والعدو في دارهم ماقدر وامسى فطيم
لابتي يالابة العز في ليل العسام = لا احتمى الميقاف عدوانهم راحو رميم
للنذير تقول ياقشر حظك يالخمام = مادريت انك تبشر بضيمك يالغشيم
مسطرين المجد بالفعل وافعال السهام = ماترجوا عزهم غير من رب ٍ عظيم
عزوة ٍ بالعز سادت وعزت ماتضام = عزوة الغلبا على المجد والقمه تقيم
ابو فهد
/
/
/
وسلامتكم ,,,,