اخواني هذه القصيده للشاعر الشاب /مقبل بن سعود بن عاتق الغزيلي
شاعر اشتهر بسلاسة القصيد وقوته رغم صغر سنه اشادو به شعار القبيله
فانتظرو شاعر المستقبل
راكب الي لا مشى كن ممشاه=ذيبن يسوقه جوع والناس تقفاه
شاصن جديد مواصفاته بريمي=لامنك شفته تنبهر في مزاياه
لاجاك لاهو كنه حرن نداوي=ولاقفى كنه شيخ خلافه رعاياه
يازين زينه لابرا للمجاهيم=بروضن خضر والبل تقطف خزاماه
يبعد عن النفس العليله عللها=لاشفت ذودك رابين وسط مرباه
الفين وسبعه مامثله فالمعارض=ابيض فل كامل لاشتغل له ملالاه
اليا مشا لاهو من فوق المخاليق=وليا وقف كلن يبا يطلب رضاه
ينفعك اليا طالت عليك المسافه=وحالت دونك سيوف اعروقن مبناه
وينفعك لياحالت من دونك ضلاعين=من دون اجبالن ذيبها تسمع اعواه
يرقا ولاعنده لو طال ارتفاعه=ظلعن جارفه السيل فقصاه وادناه
يهوم الارض ويدوسها دوس الاخطار=دوس الشجيع الي مفتكن مطاياه
ابيه يروح لخلي ويعطيه قلبي=ويقول ذا مجروح يبغا جرعة ادواه
الغرو الي مادرا عن زود حبي=الي حياتي دونه ماهيب ابحياه
الي نزع قلبي من الجاش والروح=يجعل قلبي بكل شرايينه افداه
احبه حب العطشان لشربة الماء=عطشانن مدرك وموته مابعد جاه
له ثلاث ايام طايح وناشف الريق=يقاوم لوكان العطش به معناه
ومشتاقله شوق الي في غنتنامو=يبغا يشوف اهله بعد مابغربته تاه
ومشتاقله شوق ابدوين يبا البل=يبا البداوه مل من العنز والشاه
ساسه بداوه والبداوه يبيها=لاكن حظه من مناويه يعصاه
ومشتاقله شوق الي يبيله قروم=الشايب الي للكرم تنبع ايداه
الي له مع الناس قدر ومهابه=لاكن عياله ماخذو من حلاياه
انا قمت بتنسيق القصيده لإعجابي بها وعرفاناً مني بصداقتي القديمه أيضاً لأخيه الأكبر عاتق زميل قديم بالدررراسه .