[عايض ابوشيبه]

هذه القصيده للشاعر /عبيد بن عبدالله ابوشيبه
وذلك بمناسبة مرور خمسين عام على تولي صاحب السمو الملكي ألأمير/سلمان بن عبد العزيز ال سعود
امارة منطقة الرياض

خمسين عامآ توجت حكم سلمان = في عز نجد اللي نشى في رباها
حكم على التوحيد بالسيف شامان=ادى العمل ومانته مانساها
حييت ياشيخن حفظ خمس ألأركان= يأخو الملوك اللي يذري ذراها
فهد وعبدالله ونايف وسلطان= قصة شموخن يعجز الللي رواها
يأخوان نوره ياطليقين ألأيمان=غصبن على الحساد واللي وراها
وارجع واقول انت الفخر ياكحيلان=من مبتدى السيره ليا منتهاها
وحق العدو زند وفتيله وصوان=ولا الصداقه عند مثلك وفاها
تزينت لك نجد مسكن وريحان=عطيتها حبك وتاخذ غلاها
الله يجازي راع ألأحسان بحسان= ويجزي الوجيه الهابيه من رداها
سلمانآ الحاكم وسلمان الانسان=وسلمان ابوه اللي بسيفه خذاها
وتم الكلام وزبدة الهرج نيشان=وتسلم يمينن لاعدمنا عطاها
خمسين عامآ توجت حكم سلمان= في عز نجد اللي نشى في رباها