[سبيعي3]

عبدالعزيز العبدالله السناني


من مواليد عنيزة سنة 1378هـ , شاعر موهوب عذب , لديه إمكانات

هائلة في تطويع المفردة وفق تقنيات لغة العصر المدهشة

والخيال عنده يتكلم بلغة الإبداع .. أسلوبه مختلف حقا , فهو يمسك العصا

من المنتصف , ويقف في برزخ بين الحداثة والأصالة .. وأخذ من

الاتجاهين أفضلهما , فهو في الأصالة شيخ وفي الحداثة شيخ

وقد جمع في الانتساب إليهما بين الماء والنار , ولا يجمع بينهما

إلا مبدع ذو أسلوب خاص ونمط خاص .. والسناني متفرد في

أسلوبه بين الشعراء , ويستطيع ـ حسب تقديري ـ أن يكتب بأسلوب

بعض المتميزين من شعراء عنيزة .. متى شاء , ثم يكتب بأسلوبه الخاص

الذي لا يجاريه فيه أحد إذا شاء ..!

وقصائد أبي يزيد من النوع المستفز لكل مذاقات المتعة الروحية

فمعانيها ـ وخصوصا الغزلية منها ـ من النوع الإنساني المعبر عن كل

روح رطبة بدماء العشق , ودموع الوجد .. وأساليبها من النوع

المثير ويمكن تذوقها بالحواس الست .. فهي أعني الأساليب تنتمي إلى

غير المألوف , وتتكىء على رسم الصور السريالية بأسلوب البانوراما

الجاذبة للمشاعر .. أما المفردات فهي ـ وهنا سر التفوق والغرابة ـ واضحة

قريبة لا تخروج عن مألوف الناس بكافة مستوياتهم .. والوضوح

والسريالية لا يجتمعان إلا عند شاعر مثل عبدالعزيز السناني

هذا انطباع يتكرر لدي كلما قرأت لأبي يزيد قصيدة غزلية .. وإن أنسَ لا أنسَ






أشوف لك سجّات وأقول وينك
أضحك وأنا والله منها متضايق!



فالشحنة النفسية الكامنة في الصورة تهز أكتافي برعشة هي مزيج من

الحزن والألم والعطف والإعجاب والدهشة .. وغيرها

وسأترككم مع النصوص من غير تعليق لأنها لا تحتاج إلى تعليق

وأبو يزيد شاعر متعاون مع الفنانين , فغنى له مجموعة منهم أشهرهم

فنان العرب الذي تغنى برائعته (لا تشتكي من جور الأيام للناس)

وغنى له الصريخ كثيرا من قصائده العذبة[/poem] ..



ومن قصائده الجميله


الليل دايم روعة فـي حضـورك
عز الله انك تشعل الليـل بالليـل
اقبلت يسبق خطوتينك بخـورك
من جيت كل عيونهم بك مذاهيل
ضاع العطر ماباقي الاعطـورك
كنه تنثر مـن ثيابـك شهاليـل
يوم استدرت بضحكة من زهورك
استسلمت لشفاك كـل التعاليـل
شفت الصباح اللي بخدك يزورك
والليل شفته ممسـي بالمجاديـل
هذا نهار أو ذي تباشير نـورك
اخجلت في طلعتك ضي القناديـل
واقفيت وكفوفك تسابق شعـورك
مشاعر فيها غـرام ومراسيـل
تعطي حنان من بقايـا سـرورك
وتغضي خجل بالناعسات المظاليل
ماسقت فيهـا للثريـا غـرورك
متواضع لو لك عليهـا منازيـل
نام الهوى مابين بابك وسـورك
في ظل جيد فيه حلو التفاصيـل




* * *


رحلـت بالتفكيـر بيـن الليالـي
انفض غبار الوقت بالفكر عنهـا
استرجع اللي فات واللي مضى لي
لحظات مـرت مايقـد ر ثمنهـا
وقت علي بساير العمـر غالـي
ايـام ليتـه ماتعـدى زمنـهـا
اللي تلاشت تحت موج الرمالـي
حفر لها كـف الزمـان ودفنهـا
ماباقـي الا هاجسـي والخيالـي
ارحل بعيد شوي واجذب رسنهـا
واقف على ذيك المشارف لحالـي
مواقف للشـوق قلبـي حضنهـا
هذا صداهـا حايـم فـي مجالـي
هي روح روحي والظماير وطنها
رحلـت بالتفكيروالجـو خـالـي
يوم ان صوت الشوق يامر وينهى




* * *




صب الهوى لمعذب القلـب صبـه
فنجال حب مـن لذيـذ المشاريـب
فنجال حب كـل قلـب شـرب بـه
طيب يحدث فـي فناجيلـه الطيـب
اشقر حمـر قلـب المعنـى يحبـه
كنه خضاب في كفـوف الرعابيـب
اجمع حطبك ونار الاشـواق شبـه
بين الضلوع إرك الدلال المحاديـب
دام المشاعـر كلـهـا مستتـبـه
والليل توه ماغزى راسـه الشيـب
خـل الشمـال بكـل ضلـع مهبـه
يصفق هبوبه فوق روس المراقيـب
فنجال دافـي صـار للصـدر جبـه
كني لبسته مـن سمـوم اللواهيـب
هذا وقلبي فـي يمينـه لعـب بـه
انشد كفوفه عن جـروح معاطيـب
ان قلت شالـه فـوق أثـره يذبـه
لالـه مشاريـق ولالـه مغـاريـب
يحق لـه حـب لقـى ماتعـب بـه
من دون راس المال جت له مكاسيب
دامه بقلبـي مـن يجيـه ويطبـه
هو ضيف دايم والمشاعر معازيـب
صب الهوى لمعذب القلـب صبـه
فنجال حب مـن لذيـذ المشاريـب



* * *




ياناقش الحنا على الكـف بالخيـر
ليتك مثـل كفـك تزيـن حياتـي
قلبي غصن لاتكسر العـود ياطيـر
ان كان بك رحمه لخضـر النباتـي
ان ابتسمت انسى معك بسمة الغير
وتزهر من الفرحة حدايق شفاتـي
وان جيت تمشي فاح ريح النواوير
عطـر سواليفـه بكـل الجهاتـي
وان شلت شعرك ويل ليل الغنادير
كنك من الهيبـة تشيـل العصاتـي
وان رحت راقي للنجوم المساهيـر
قال القمر هذي ترى مـن خواتـي
وان سلهمت عينك وقف لك طوابير
عطشا وعينك مثل شـط الفراتـي
اقبل علي بضحكتـن يـه معاذيـر
قلبي يحبك وانـت شمعـة حياتـي




* * *



عصر الربوع وشمس وجهك مع السيل
عجز المطر يسكـن ملامـح جبينـك
ود السحـاب بماطـره يغـرق الليـل
خذ من شعرك وصافحـه فـي يمينـك
حد المطـر بطـراف سـود مظاليـل
ياقف على جـال النظـر دون عينـك
خلـه ولاتغتـال عشـقـه بمنـديـل
بين النـدى والـورد ينسـاب زينـك
باتت لحبـات المطـر فيـك تفضيـل
شف حرهـا كنـه مشاعـر ضنينـك
ارسل كفوفك مـع مطرهـا مراسيـل
عطـر نسيمـه مـن روايـح يدينـك
لك مع زهور الروض حب ومواصيـل
قصـة غـرام السيـل بينـه وبينـك
العب على العشب الخضر كنك الخيـل
جسمك مطـر والديـم رشـة حنينـك
خل المصفـر والغضـا لـك مداهيـل
هـذا ربيعـه وانـت هـذي سنينـك




* * *




وفر دموعك وإمسح اللي على الخد
لياك تبدي لي بدمعك .. حسوفـه
قدام عينك هلّـت العيـن وتصـد
تقفي ودمع العين عينـك تشوفـه
لك رغبةٍ بالغير والوقـت يشهـد
تالي شهور العام عيني مخطوفـه
عانيت كود الجرح لاشـك محتـد
صبّرت نفسي لين ذقـت الكلوفـه
جاهدت نفسي عنك .. خليك مبعـد
لا ياحبيب العام نفسي .. عيوفـه
روّح عساك بخير ياناسـي الـود
لقيت لي من فيه نفسـي عطوفـه




* * *




دلوهٍ مايحس بجـرح غيـره
ولا ينشد عن قلـوبٍ كواهـا
دلوه ومارحم عينـي سهيـره
تبيّن له دموعي مـن عناهـا
يسلي بالهوى نفـسٍ غريـره
عن التعذيب نفسه ما قواهـا
ينام الليل وعيونـي سهيـره
ولا يشعر بدمعٍ مـن عناهـا
يعرف الجرح مايسعى بخيـره
من النسيان كم روحٍ طواهـا
يشوقه لشوفتي بحالٍ خطيـره
وروحي منه وصلت منتهاهـا
وقلبي بصبعـه خاتـم يديـره
وروح صاحبـي بـدا طواهـا
إلى جيت أتشده وجهه يديـره
يصد في ضحكته موتي وراها
تعال أوقف على عيني سهيره
تشف اللي فراقه مـن عناهـا
سهر ودموع يالغالي .. وحيره
تعال نفسي ملت مـن شقاهـا
عساه لشوفتي يالـه ضميـره
ويدرك نفسي .. قرّب منتهاها




* * *



قرب الرحيل وحّل بالقلـب علـه
لا باس يامفجوع بفـراق غالـي
أقفي عن الديـره وخلـي محلـه
خلاني أبقى فـي عنيـزه لحالـي
أبو جعـودٍ فـوق الأمتـان هلّـه
جاني يودع في محلـي عنـا لـي
تليـت قلبـي يـوم فرقـاك تلـه
وأقفيت به وأصبحت عقبه خيالـي
عزي لمن فارق من الناس خلـه
وأنا المفارق ياعرب .. راس مالي




* * *



مره بثر مره كثـرت خطايـاك
الصبر طال وكل شيٍ له حـدود
زين الحبايب ماسوى سوايـاك
أتعبت قلبي ضايقٍ منك ملهـود
بالفايت اللي فات يالزين محلاك
من قبل يطلع على نفسك الـزود
للحب والتقدير ماعنـدك إدراك
وإحساسك اللي كان الحين مفقود
أن إستمر الوضع ندله بلايـاك
ياما شبع قلبي من أيامك السود




* * *




قله خلاص اللي حصل منه كافـي
ما أبيه أبد .. قله يقـول النهايـه
من صالحي فرقاه صارت عوافـي
في كل يـوم يبتعـد بـه دوايـه
جرحي ثلاث سنين بالقلب خافـي
ما ذاك والله ما نقض من غلايـه
يخطي كثير ويعتقـد مـا شافـي
وأنا أتغاضى بالخطأ مـن خطايـه
قله اداريـه لا يصيـر إختلافـي
أخاف أعاتب يمتنع عـن هوايـه
ذا الحين قلبي من هواه ذاك صافي
حـبٍ جديـد وتونـي بالبـدايـه
هذا جوابي وإشرح الـرد وافـي
لا عاد يرسل ماوصلني .. كفايـه




* * *



حبك جريح ويمكن يموت حبـك
أسرع تراه اليوم بآخـر حياتـه
أبطى وهو ينزف يبي منك قربك
يصيح لك بالصوت يرجي نجاته
قام يتوسل وإعترض لك بدربـك
تنكر حقوقه وتنكر الحـب ذاتـه
وده يعيش طول الأوقات جنبـك
هملت صوته وإختنق في شفاتـه
حكمٍ قريب ماخفت بالحب ربـك
وشلون أنا طحت في دقايق مماته



* * *


هذه القصيدة سبق أن غناها فنان العرب محمد عبده

لا تشتكي من جور الايـام للنـاس
ادفن همومك في ثرى الصمت كله
اسرار عمرك خلها تحت الانفـاس
لا صار هـراج القفـا فاطـن لـه
هذاك يفرح لا لمس جرح الاحساس
وهذا مناهي لا لقـى فيـك علـه
تعيش بالوجدان ما عاش هالـراس
لولاك قل لي ويش انا عايشن له؟
ان زانت الايام يا شـوق لا بـاس
ولا صبرنـا ليـن ربـك يحـلـه