مـرحــوم يا شـيخٍ ذكـرناه بطـيب=عســى مقـر الخــلد لـه بالجناني
ومرحوم يا شيخٍ عطيب المضاريب=عسـى كتابـه يحمـله باليــماني
ومرحوم يا شـيخٍ كـريم الشواريب=لامــن لفـنه فطـح اللــي سماني
ومرحـوم يا شيخٍ نـزيه العـذاريب= ويمناه دايـم للبشـر بالحسـانـي
زانت لـي الابـيات وهـذبت تهذيب=قـمت اتنـقا فــي جـزيل المعاني
وهيهات اوفي حر صقر المراقيب=والله يعـجز وصــف فعـله لساني
شجاع ابن فراج مـا يقـرب العيب=والله مــا يجلــس مكـان الـهوانـي
شيخٍ حكـيمٍ فالقا صـعب وصعيب=ويفرح بـه المضــيوم لاجاه عاني
أنشـهد انـــه واصــلٍ بالاقــاريب=وأنشــهد انـه عـز قاص العواني
وأنشـهد انــه مـا يجيب الاكاذيب=والمؤمن الصادق صدوق البيانـي
تنــشرله البيضا بـروس المـراقيب=وتنشر له البيضا بـروس المـبانـي
ســــلام مـن عـد لفـح الـواهــيب=وعداد ما ياطى على القاع فانـي
وعــداد مـا رفٍ رمـوشٍ مــهاديب=وعــداد مـا يطلع سهـيل اليمـاني
وعـداد مـا هـلٍ مـزونٍ مــناصيب = وعــداد مــا فالقاع قاس ولـياني
وصلاة ربي عد ما تبـين وتغـيب=عــلى شفـيع النـاس بالمتــحاني