والله يابو راجح المشكلة هذي فيها متناقضات ولو هالمدرسين يحمدون ربهم ويبلعون العافية ويقبضون الارض لان بعض التعنطز والتعنطز مافيه فائدة
والتعطنز كلمة ماعرف معناها بس انها تنطبق على هؤلاء المدرسين اللي جايين يطالبون بتحسين مستوى
اذا كانت الوزارة تطلب من المعلمين درجات علمية لم يحصلوا عليها فهل الوزارة ملزمة بان توفر لهؤلاء المعلمين الدرجات العلمية ؟؟
بمعنى اذا كان المعلم لا يحمل بكالريوس ولا يرقى على المستوى الثالث الا من يحمل بكالريوس فهل الوزارة مجبرة انها تفرغ هؤلاء المعلمين كلهم لدراسة البكالريوس ؟ بالطبع لا
وهل الوزارة مجبرة على انها تساوي الدبلوم بالبكالريوس ؟ بالطبع لا
اذا الوزارة نلتمس لها العذر والله اعلم
اما وزارة التربية والتعليم فهي من اعقد الوزارات احسن مافيها الحارس الشخصي حق وزير التربية والتعليم
وكيل رقيب لو تنفخه طاح على جنبه مادري وشهو له حاطينه منرز بجنب الوزير حتى في الصلاة
على بالهم بيحميه من الهجمات الانتقامية
وصدقني يابوراجح انه حصل لي موقف في هالوزارة
رحت اراجع فيها قالوا معاملتك في المبنى رقم كذا وكذا تقسيم كذا وكذا واجيك ادور هالمبنى واسال وين المبنى الفلاني وين المبنى الفلاني حتى وصلته قبل انتها الدوام بحوالي ربع ساعة وترى كل هالدوجه في نفس الوزارة
المهم دخلت في المبنى ومع هالاسياب مالقيت احد تقول داخل لي حارة جن
قلت مالي الا اطلع
ويوم جيت بطلع الا والباب مسكر علي طبعا الباب من قزاز قصدي زجاج
الا واشوف ذاك الامن الصناعي مقفي من عند الباب ابو الشباب سكر علي وراح لبيتهم
وانا جالس اصيح ياولد ياللي هناك والله اني بري مالي دخل ليش تسجنوني
سمع اصراخي ورجع وفتح الباب
اتضح لي انه مادرى اني دخلت المبنى سالته عن الموظفين قال اطلعوا من زمان