وهذه مجموعة مختارة من قصائد المسردي
الــــــمـــــــال
يالله يالـلـي بـيـدك الـعـز والـجـاه=يالـلـي لـخـلات المخالـيـق رافــي
يـا مـن خلـل عبـدك ليابـان تـرفـاه=ياعالـمٍ غـايـة خـفـا كــل خـافـي
ألطـف بحـال الـلـي تبـهـذل بدنـيـاه=وداج بجميـع أنحـا النحـايـا وطـافـي
يطـرد ورا حـظٍ عليـك أنـت مشـكـاه=لا شـك شـاف مـن الزمـان إختـلافـي
من كثـر مالـه سـاروا النـاس برضـاه=ولـو كـان ناقـص قالـوا النـاس وافـي
ومن قل مـا بيـده تـرى النـاس تشنـاه=لـو كـان يسقيهـم عسـل قنـد صـافـي
فالمـال كـم سـاس ٍ طـمـان ٍوعــلاه=والفقـر كـم حـطـم روابــع سنـافـي
لا شـك مـا للعبـد عـن حكـم مــولاه=مـن خيـر ولا شـر والــرب كـافـي
مـا كـتـب للمخـلـوق لا بــد يلـقـاه=أمــا هـزايـم شـــر ولا عـوافــي
*_*_*
ياكثر الأصحاب في وقت الرخا
ياكثر الأصحاب في وقت الرخا ياناس كثراه=وياقلهم حزة الشدات فـي وقـت اللزومـي
كم واحد ٍ بالرخا دايم معي والضيق ما ألقـاه=توي دريت ان خلان الرخا لـي ماتدومـي
وكم من صديق ٍ مصد ٍ بالرخا عني ولا أدناه=لا شك يوم انها ضاقت علي جـلا همومـي
فياحي حي الشدايد لـو بهـا تكليـف حيـاه=كم نبهت غافـل ٍ تلعبّـه أوهـام الحلومـي
جربت والتجربـه برهـان للعاقـل بدنيـاه=من لا يجرب يعض من الندم روس البهومي
*_*_*
صدى الجميل في بعض الناس
احسبن مـا للجمايـل علـى الدنيـا جحـود=ليـن معروفـي بذرتـه بنـاس وجحـدوه
اشهد من يفعل الجـود فـي مـن لا يجـود=مثل من حجج علـى غاربـه ذبـاح ابـوه
*_*_*
تـجـربــه صــادقــه
اشهد بعض العرب لو معـه مـال وحـلال=لـو غنـي مـن المواجيـب ماهـو قدهـا
كم غني مـا ينومـس ليـا جـوه الرجـال=وكـم فقـيـر لـبـدا الـلـوازم سـدهـا
*_*_*
حـقـيــقة ظــاهـــره
مـن معـه مالـه تـراه يصيـر غـالـي=والفقـيـر الـنـاس دايــم يرخصـونـه
يرخصـه حتـى الرفيـق اللـي مـوالـي=واسـرتـه لـقـل مـالـه يبغـضـونـه
وغيـرت سـود الدهـر مجـرى الليالـي=واختلـف طبـع الخلايـق عـن يكـونـه
واليمـيـن الـيـوم تغلبـهـا الشمـالـي=العـوارف مقـصـدي مــا يجهلـونـه