[فتى رمـاح]

ياقصيدي وانت حملك مثل حمل السـلاح=من صناعات الفـض النـزاع مطـوره
خلق وجهك من حجا ضلع واشراقة صباح=دم تجمـد فـي وريــده ودم تـفـوره
من خلالك لي على الكون منفـذ وانفتـاح=ارسم احلامي علـى واقعـه واصـوره
الحصون اللي عليهـا منصـات الكفـاح=انشد اكبرهم مـن اللـي بنـاه وسـوره
سقت ذودك للمفالي وقـاد مـن المـراح=واعترض في دربهـا نابحـه ومخـوره
النجاح يشيل جرحه من اعـداء النجـاح=والمثاليـه تعـانـي مــن المتـهـوره
والفتاوي تختلف شي حرام وشـي مبـاح=وشي لو تقنـع بـه العقـل مايتصـوره
نستمـع لله اكـبـر وحــي للـفـلاح=المساجـد عامـره والقلـوب مـنـوره
وندري ان ماكل مذن بـلال بـن ربـاح=لو يقول الشمس حمره والارض مـدوره
المهول لـو خدعنـا وخذنـا بالصيـاح=واشتكى من رجله اللـي مهيـب تعـوره
حيلة ما تمشى الا على النـاس الصحـاح=احبكتهـا عـالـم مهـولـه ومـجـوره
والطيور اللي تهاوى بمخـلاب وجنـاح=لا تعشـى صيدهـا واحــد مــادوره
مايحصل راحة البال واطـلاق السـراح=من تورطله بخمسـة صكـوك مـزوره
فرد حمزه حسب تقرير دايـرة السـلاح=فيه واحد غير حمزه هـو اللـي ثـوره