[عبيد ابو شيبه]

المشاركة الأصلية كتبت بواسطة مسعود الحويزي

السلام عليكم ورحمة الله وبركاته

وكل عام وأنتم بخير

هذه مشاركه للتواصل معكم واتمنى ان ترقى الى مستوى ذائقتكم العاليه

وان تقبلوها كما هي :

الشمس قبل تميل يم الغرب ويحل الغروب = العمر مره بالحياه وعيش فيها وفلها
أهم شيء انك عن(إ)دروب الخطأ لازم تتوب= ولحل وقتك للصلاه احرص عليها وصلها
الوقت ذا مافيه لا غالب ولا فيه (إ) مغلوب= كل النتيجه فالنهايه حِلها واحتلها
لاتشيل همك دام راسي حي ويشم الهبوب= انسف عليّ هموم صدرك ياعضيدي كلها
ماهيب شيء ولو تجمّع كبر ضلعان الجنوب= انا لها واقول عندي ياعضيدي حلها
الارض باسطها الولي ماضاقت بكثر الدروب= لضاقت وجيه البشر شطب عليها وخلها
بعض البشر ياصاحبي قربه من اكبار الذنوب = يشب في كبدك مقابيس العنا ويعلها
الطبع خلقه والعرب قالت ترى الماء مايروب= هذي طبيعه والطبيعه ماتغيّر دلها
الصبر مفتاح الفرج والكذب خله للكذوب = والله يقطع عرق شجره مايظلل ظلها
الحاسد الشمّات مايدري عن اللي فالقلوب = قفل عليها فالضماير وانتبه ياصل لها
الصدر صندوق الهموم وداخله دايم تذوب = وان كان ماذابت همومك هاتها لي كلها

وسلامتكم ,,,,

اخوي مسعود الحويزي الله يبيض وجهك على هذه الشامخه

صدقني ارتويت شعر وخوه ومعاني جزله ونا قاعد اقراها

تحياتي لك ولبداعك المتميز