[عيسى السبيعي]

بابدي باسم من يعلم السر والغيب = واوامره في داخل الكاف والنون
يا مدبرٍكونه بلا شك او ريب = ويا سامع ٍوسط البحرصوت ذالنون
اللي خلق كل الخلايق بترتيب = من ساس ابونا آدم الى البعث ينشون
ومن بعدهابابدي بعالي المراقيب = وا فتح ملفات ٍقديمه على الهون
ابحث بماضي الوقت وايقول با جيب = والوقت له دوره ولاهوب مامون
فتشت فالأ قصي وفتشت فالجيب = وفتشت في قلبي وما كان مكنون
ولاشفت بالدنيا يكود المشاذيب = ا مسننات ٍوحدها دوم مسنون
ولا تشذ ب الا با كثر الوقت اقاريب = شذ ب ا لقفى وجبه ويا لله بك العون
وان جيت في داره تشوف التعاجيب = ويا كثر ما تلحظ تبسام وا سنون
عانيت انا منها بكل الأساليب = وا شوف لي ناس ٍكثيره يعانون
تلقى لهم في كل مجلس مناديب = ناس تجيب اعلوم واخرى يودوون
مايدري ان الكذب في ديننا عيب = ولو تبحثه تسمع وكالة يقولون
ولوجاك في غربه بدار الأجانيب = تذبح له ا لحا يل وتَموا يسموون
تقدم له الترحيب بعد التراحيب = وسط ا لمجا لس وا لقبايل يشوفون
والدين بين له حقوق ومواجيب = وا نكر عليه ا د روب نا س ٍ يشذ ون
ماعاد في قلبه تفيد التطابيب = لو كا ن من قلبه لطباء يشيلون
ياكثر ماحطوا علوم وعذاريب = لوصد عنهم عنه ما هم يصدون
لكن ياربي عسالي مكاسيب = محتاج للحسنه وربعي كريمون
يارب من ذولا تكثر لصاحيب = تكثر مكا سبنا مد ا موا بيعــطـون
من شأن لاحطوا علي التناصيب = ألقى احسنا تن منهم إقضي لي اد يون
وصلاة ربي عد ما في المكا تيب = على ا لنبي يا لي بمكه تطوفون