[محمد83]

بسم الله الرحمن الرحيم

((اسمحولي بتكلم بالعامية من حر مافي قلبي ))

في الجو الي حنا عايشين فيه (( طبعا جو شاعر المليون {ناصر الفراعنة ، وبدر السبيعي } و كان قبلة جو مزاين الإبل ) طبعا هذا شي لا حرج فيه

والكل شاف وعرف الملايين إلي انقطت هناك كل شخص تبرع له في المزاين بكم مليون أو كم ألف إلي تبرع بسيارات وإلي حطله خيمة على بعد النظر كل هذا على شان يرفع رصيد قبيلتة بين القبايل وبين ربعة وحتى الفخوذ كل فخذ قام وسوالة مهرجان خاص فيه وقط فلوس فوق إلي قطها على المزاين الأصلي عشان يبرز ربعة وما أثرت فيهم هالملايين إلي قطوها على المزاين وكاهم الحين عايشين أحسن عيشة ما شاء الله عليهم وما ننسى شاعر المليون إلي كل شخص ماسك هالتليفون وهات يارسايل والفاتورة أو الكروت تطلع بالشيء الفلاني طبعا هذا مو عيب على قبيلة كبيرة مثل السبعان وأنا مو ضد هذي الأمور بس المشكلة
بعد كل هالي قطوه وادفعوة ........................................... :(:(:(:(

نسو ربهم وأهلهم الي محتاجين ، كم شخص مايلقى الي ياكلة هو وعياله ولا لاقيله شغل يستره ويستر أهله مع هذا كلة مو هو الي اقصدة الي اقصدة ...

والله العظيم انه شي يدمع العين ويجرح القلب والي شاف تلفزيون الوطن في برنامج تو الليل امس الخميس 3/1/2008 بالليل وبالتحديد فقرة المحامي خالد عبدالجليل يعرف عن شنو اتكلم
والمشكلة اني شفتها مع اشخاص من كذا من قبيلة وقالوا وينكم ياسبيع الغلبا عن ربعكم تسمعون هالكلام وماتسوون شي والله مافيكم خير



الي كل من شاف الحلقة او سمع هالكلام وما تحرك ، روحوا اجمعوا الفلوس للمزاين وشاعر المليون انسوا ربعكم

الموضوع هو انة في واحد من أبناء عمكم طلع على التلفزيون اتصال مباشر من الصين ويقول قصتة وللاسف الحلقة اليوم ولا قدرت احصلها بس راح اجيبها لكم عشان تسمعونها وتشوفونها

القصة هي مع اخونا (((( ناصر السبيعي ))) راح اقولكم القصة شنو صار باللقاء الي خلاني اقول جذي

اخو ناصر السبيعي صارلة حادث قبل 5 شهور وطاح في غيبوبة بين الحياة والموت والرجال راح لاحد المكاتب العلاج بالخارج وقال ابي احسن مستشفي في لندن بعالج اخوي راعي المكتب (النصاب) من حرصة الزايد قال شنو لندن هذي موضه قديمة الحين الناس كلهم رايحين للصين يقول و وراني صور لمستشفيات 5نجوم ويقول ان وزارة الصحة الحين قامت تودي مرضاهم للصين عن طريق مكتبنا ووراه دروع مفبركة وكتب شكر الرجال صدقة وعطاة 14 ألف دينار كويتي عشان يودية للصين (( السحرية على حسب ما سمع منة )) ويقول دونا على مكان خرابة بين المزارع حتى الحيوانات ( أجلكم الله ) ما تسكن فيها ورحت لمستشفي يفتقر لأبسط الأجهزة الطبية ولا في عناية ويوم بغوا يسوون عملية لأخوي وهو في غيبوبة طبعا في مستشفى ثاني محد ودانا قمت شلتة انا وواحد معاي شلناه بأنفسنا و وديناه للمستشفي وسوينا العملية وهذا هو على حالة . هذي قصت اخو ناصر وخلوكم مع ناصر إلي أتوقع إن حالته أصعب من أخوة لان أخوة ما يحس ولا يعرف إلي يدور حوله

ناصر قام تكلم على الهواء مباشرة وهو يبكي بكاء الأطفال على حاله ويقول أنة قام يأكل حبوب مهدئة وحبوب منومه على شان ينام ويقول كل ما اكلم راعي المكتب يستفزني ويقول شنو حظرتك هناك ليش ما تشيل اخوك وانا ما اقدر اقولة شي لا يقطنا بالشارع انا واخوي

ناصر :

تكفا يا استاذ خالد ساعدنا اذا صار فيني شي منو يهتم باخوي
تكفا يا استاذ خالد ابي احد اتكلم معاه ابي ياحد افضفضلة
تفكا يا استاذ خالد .... تفكا يا استاذ خالد .... تفكا يا استاذ خالد

يقولة المحامي خالد الكويت كلها تسمعك

ناصر :
تكفون يا اهل الكويت لحد يخلنا
تكفون يا اهل الكويت لحد يخلنا
تكفون يا اهل الكويت لحد يخلنا

ويقولها وهو يبكي وما قدر يكمل ____ ابن عمكم يبكي بكاء الاطفال على الهواء مباشرة من حر مافي قلبة
انتم تعرفون شنو يعني ان الرجال يبكي تنزل دمعتة من الياس على حالة وعلى حال اخوة الي يحس انة عاجز قدامة

والله
ثم والله
ثم والله انا مافينا خير

اذا قدرنا نجمع ملايين للمزاين و شاعر الملبون ما نقدر نجمع كم ألف نرجع ناصر السبيعي (( السبيعي يا سبيع الغلبا )) لديرته اهلة وعلمنا هالكلب راعي الكتب شلون يقص على العالم

وينكم يا أصحاب القلوب الرحيمة وينكم يا أصحاب الملايين الي انصرفت على المزاين وشاعر المليون
وهذا النداء مو لسبيع بس هذا لكل شخص يحمل في قلبة مثقال من رحمة وطبية

هذي قصة ناصر السبيعي بين ايدينكم بالتفصيل والملل بعد
وراجعوا برنامج توالليل في يوم الخميس 3/1/2008 عشان تعرفون معاناة ناصر السبيعي
الي بكي امام ملايين المشاهدين

والله حرام والله حرام والله حرام

واسف على الاطالة (( هذا حر مافي قلبي ))