القصائد التي قيلت في قبيلة سبيع كثيرة واخترنا منها مايلي :
1- هذه القصيدة التي تعتبر من القصائد الخالده في ذكر أمجاد وصفات القبيلة للشاعر دسمان بن مناحي المحمدي السبيعي ...
هو السلام ومنه يبداء السلامــــي أبدا بذكر الله رفيع المقامــــــي
وبشايته تصوير الأنفس والأجسـاد
المقتدر محيي هميد العظامـــــي
وعن خاينة الأعين وسر النوايـــا المطلع علام مافي الخفايـــــــا
جميع مافي الكون عنده بتعــــداد رب الفلق محصي جموع البرايـــا
معبودنا ماغيرة احدٍ عبدنــــــاه إلهنا اللي مالنا غيرة إلـــــــه
حنا عبيدٍ له اركوع وسجـــــود كل الآمال معلقاتٍ برجــــــواه
فوق الحيود السود والنمل ســـودي سامع دبيب النمل فوق الحيـــودي
الا خطيبٍ ضاريا بالتهجــــــاد في ليلةٍ سوداء عربها رقــــودي
من بعد ماكانت على الارض رتقــا اللي فتق سبع السماوات فتقـــــا
في ساعةٍ يكثر بها عض الأنجـــاد يالله عسانا من بلاويتك عتقـــــا
ياواقي العثرة وياساتر العيــــب ياحي ياقيوم ياعالم الغيــــــب
انت الذي بامرك تصاريف الأنــواد تلطف بمن سالك ومن جودك تجيـب
يامنزل الماء من مزونٍ مزابــيـر يافالق الحبة ويارافع الطيــــــر
ياباعث الإنسان من تحت الالحــاد ياخير من يجزي هل الخير بالخيــر
للجنة ابرارٍ وللنار فجـــــــار ياخالق الجنة وياخالق النــــــار
منك الطغاة مقرنينٍ بالاصفـــــاد ميزان عدلٍ وكل شيٍ بمقـــــدار
يامهلك اللي جابوا الصخـــر بالواد يامهلكٍ فرعون يامهلكٍ عــــــاد
وبالريح دمرت إيراما ذات الاعمــاد انت لهم يوم الملاقى بمرصــــاد
اللي عليها أثنان من جـــــوزان مجري سفينة نوح فوق الطوفـــان
في حكمة اللي عالمٍ غيب الارصــاد ارست على الجودي وكان الذي كـان
حنا تحت رحمتك في يوم الاهــوال يامقدر الآجال ياعالم الحــــــال
يكود من قلبه سليمٍ وعبــــــاد في يوم لاينفع بنينٍ ولا مـــــال
يرجي ثواب منــــزل المحكماتي عباد للي يعــــلم الكاياناتـــي
ترتيلهن يغني عن الشرب والــزاد ايآت حق وكلهن معجزاتــــــي
ولا قط في غرات مسلم طعنــــا باسمك بدينا القاف وإبك استعنــــا
تبت يد اللي للمقفيــن نشــــاد ولا نتبع المقفي ليا صد عنـــــا
نوادرٍ ماهي علينـــا دخيــــله من بعد ذا عندي بمجد القبيلــــة
ان مانقص هرجي عن الصدق ما زاد يكفي عن الهرج المطول قليلــــة
وحنا سبيع موردين السهــــومي حنا سبيع مطوعين الخصومــــي
ينهض سعدنا لاتردن الاسعــــاد وحنا سبيع اللي سعدنا يقومــــي
من ماضي الدنيا هل سنــان وعنان سبعان لاقالوا على الخيل سبعـــان
ريف القصير وللعدا سم الاكبـــاد نمشي بقو الزند والسيف شامـــان
لا طار عن وجه المزين قناعـــه ياما خذينا من حفيفٍ قلاعــــــه
ياما كسبناها صباحٍ ومهجـــــاد يسوقنا زود الدجر والشجاعـــــه
مانجعل الدخان للنصر قـــــدوة حنــا ليا منا نوينــا بعــــدوة
نتعب ظهور الخيل ونطول المــاد كلٍ نسوقة لين نقصيــة مـــدوة
وكم طارفة قومٍ قلعنا مرســـــة كم خايعٍ قفــرٍ نجية ونعســــة
لاذاق منا ملحة الحرب ماعــــاد يبطي وهو منا صوابــه بنســـة
مروين حد مكعبات الرماحـــــي سقم الخصوم مبعدين المشاحــــي
واليا عطينا الوعد نوفي بالأوعــاد كسابة الطاله نهار الصياحـــــي
بالخيل والسلة وسردٍ محاديــــب دواسة الجمع المناحر ليا هيــــب
والجبخان وضرب صلفيــن الاولاد ومذلقاتٍ يوسعن المضاريـــــب
ونشوش فوق المكرمات الســـبايا نبيد جمع معسكرات السرايـــــا
نفضا الجموع لعين مركوز الانهــاد لا غردن بالصـوت بيض الصبايــا
قبايلٍ يذري ذراهــا قبايـــــل تلمنا الغلـبا وحنــا قبايـــــل
ساس المعرفة والمروة والامـــجاد من طيبهم طالوا على كل طايـــل
ولا نذبح الغافل ولا نشهـــد الزور مانقطع السافه ولا ناكل الســــور
ولانوقت الساعة لغرات الأجـــواد ولا ننقل النمه ولا نجحد النــــور
مانزعل العاني ولا نزعل الجـــار حنا هل الشيمة بعيدين الأنظــــار
انفوسنا ماهي دنيات و ازهــــاد ليا هفت ملة قصيرين الاشبــــار
ليا غدت جرد السبايا سبايـــــح حنا هل الردات لا صاح صايـــح
نرجع ونسقي خصمنا كاس الامـرار كسابة الطاله نهــار المدايــــح
شرقٍ وغرب وفي جنوبٍ وشامــي نمشي مع البيرق عضود الامامــي
قومٍ على حرابنا علــــة فــؤاد بياعــــة الارواح يوم الزحامـي
وصنع اليهود معكفات النواتيـــش تشهد لنا البيداء ويشهد لنا الجيـــش
تشهد لنا نطاقة الصاد والضــــاد وسيوف هندٍ في يدين المداغيـــش
جرد الرقاب مبعدات الهوايـــــا ناطا الحما في شف سحج الخلايـــا
ندوس غبات الخطر جد وعنـــاد وإن قامت الإعــداء علينا حمايــا
لو كان هو صعبٍ ومرٍ ليا ذيـــق نفرح بفنجال المبارز ليا سيــــق
نبوج عنه الظلم والنور ينقــــاد ويفرح بنا المضهود في ساعة الضيق
عامٍ وشهرينٍ وعشــرٍ زيــــادة دخيلنا يامن وتامـــن جــــواده
وحنا لمن يلجا لنا كــن وبـــراد نفرض على طلابتة فـــرض إراده
نرعا بها في الخوف وقت المخاضير تأمن بنا حنا الشعاف المصاغـــير
واللي يبينا لا عرف وسمنـــا حاد ونضمى بها في نازحات المصاديــر
بمثمرٍ لا صادم العظم يشـــــظاه احسن محلٍ فالجزيــرة خذينـــاه
ويدرى خطرنا اللي ورى حد الاكراد من فوق حيلٍ للمطارد مضــــراه
وعرقٍ حمينا فية بيض النعامــــه حنا هل الوديان واهل الجهامــــة
ولا جاء لنا الا عقب غارات وطـراد وايضا خذينا عصب نجد وسنامـــه
بالسيف ماجتنا بتسليم الاثمــــان خذنا من العرض ليا جو عوجـــان
تسمن بها شيب القرا قبـــل الأذواد دارٍ لهزعات المراقيب مقطــــان
بمشوكٍ كن السحايب دخنهـــــا زحنا صناديد الأشاويــس عنـــها
من فضل ربٍ للمخاليق جــــواد حتى ثنينا في يدينـــا رســـنها
وكم ذود مصلاحٍ نجيبة غصايــب كم ضربةٍ منا تفـــج التــرايـب
يلقى لها مع صحصح الخبت مرجـاد وكم مربع سقنا عليــه الركايــب
يبغون حلوات اللبن شمــخ القــيد واليا غزونا ناقليـــن البواريـــد
يوم التشابك عندنا مثل الأعيــــاد هذاك يومٍ عندنا كنـــه العـــيد
ليا تحلا ديرتة عقـــب غربــه نفرح بهم فرحة قريــبٍ بقربـــه
ومحققٍ في غربته كــل مــا راد وإنفك له من شوف الاقراب كربــه
ويطيح بيرقهم ويظلم سماهـــــم نذبح مذربهم ونلــثم شباهــــم
يمسون فوق كبودهم مثل الأوتـــاد ونحطهم عبرة لقـــومٍ وراهـــم
بالرمح والمزروع والدرع والسيــف ناخذ على الخيل الأصايل عجاريـف
وحرابنا تقطع هجومة والامــــداد نولف إفراقٍ ونفـــرق مواليــف
طويلٍ لسانه قصيــره يمينــــه كم واحدٍ ينقل علينـــا ضغيــنه
في خشمة خطامٍ وفي رجله قيـــاد في كل سبل المرجله غابنينـــــه
ولا نندفع في ساقة النجم لا غــاب نرفع كرامتنا عـن الهــرج لا راب
للخير حصادٍ وللشر حصـــــاد ولا ندعي وسط المجالس بلأكــذاب
هذارة المجلس وجية المكالــــف مانستمع لمحرفيــن السوالـــف
ولا همنا مغرض ولا قول حســـاد اللي لها أعراض الأوادم معالـــف
سوٍ على صف المحارب خطرنـــا هاذي مزايانا وهـــذا فخـــرنا
بمصقلٍ ينزل على المتن قــــداد ننزل اديار خصامنا مـــع ديــرنا
مخضبة حدب السيوف البواتـــير عديت فعل مخرقيــن الطوابيـــر
وإن كضمت خطر هل الغيض وشعاد إن فرحوا الصدقان خير على خيــر
ديرة هدماناها وديـــــرة عمرنا موجز وفي بعض العلوم اختصرنــا
علم عليه الله والأجـــواد شهــاد بيضٍ صحايفنا بعيـــدٍ نظـــرنا
مروين حد مفتقــات السلايـــل من دون نقصٍ في حــقوق القبايـل
ومصادم الدنيا بخفخاف وزنــــاد يوم المشاكل والخــطر والدبايــل
ولهم تواريخٍ وقيمــة وشيمــــة قبايلٍ فوق الجزيـــرة مقيمـــة
ومن جاد حظه مع ظروف الدهر جاد تقاسموا ثم ارتضـــوا بالقســيمة
جبعٍ محازمها كثيـــرٍ عددهـــا قبايلٍ محدٍ يقـــف في نصدهــا
امجادهم تذكر قديمـــــات وجداد توعد وتوفي في المواقف وعدهـــا
أخاف من هرجٍ يحي فيــه تنقيص ذكرتهم من دون عدٍ وتخصيـــص
وانا عن الزله أحــب التـــركاد للعلم باب وللخطايا قوانيـــــص
سمٍ تغلغل في القلوب المغاليــــل والحضر صافين القلوب المشاكيــل
أهل سفرةٍ تندل وأهل بن وقنـــاد تسمع بناديهم للأذكـــار تهليــل
رجالهم في بذل الإحسان ضـــاري للمعرفة والخير فيهم مـــــواري
والنصح منهجهم والإفتاء والارشــاد حديث مسلم عندهم والبخــــاري
والراية الخضرا براس العمـــودي واليوم في نعمة وحكم السعــــودي
أمنٍ وأمان ونعمة وأكل ورقــــاد والعود يكسر في عيون الحســـودي
حج الجمل وأنكف وصل المصلــي كل تحت فية علمهم يفلـــــــي
وعاشوا بظل الأمن والخير يــزداد وتبدلت كوخ الكواويخ زلــــــي
وأظهر لتصريف أمرنا خير ألأنــام شعبٍ جعلنا الله للأسلام خـــــدام
واموا شتات الشعب عقب التشــراد إختارهم رب السماوات حكـــــام
والسلب في أيام الجهل والقوامــات راحت عصور الظلم مع فايتٍ فــات
وتوقفت عنا قواميس الألحـــــاد والشرك وأنواع البدع والخـــرافات
ثم السعود مخضبين الســـــلالا فضلٍ من المولى عزيز الجــــلالا
خير على الخير وضدٍ للأضـــداد كواكبٍ فوق الجزيرة تــــــلالا
واستأصلوا عنا الخيوط الشريـــرة مدوا حبال الأمن في كل ديــــرة
سادوا على من قبلهم كانوا أسيـــاد يفخر بهم سكان شبه الجزيـــــره
في الف ومية وسبعه وخمسين هجري حطوا لهم في عالية نجد حـــجري
وعلمٍ ودين وضرب مسقوف وشـداد بشلفاء ومصقولٍ وبنٍ ونــــجري
ومواكبينٍ سبق الركــب قـــدام ومن ذلك التاريخ لليوم حكـــــام
بذاله المعروف خطلان الآيــــاد شرٍ على الظالم ونصرٍ للأســــلام
مثلي مثل غيري وجالي مجالـــي ترجمت فحوى الهاجس اللي طـرالي
لي مع ورود الماء مقاما وميـــراد لا نيب انا الأول ولا نيـــب تالـي
وموثقٍ بالمستنــدات قولــــي عبرت عن مافي ضميــري يجولـي
متحفظٍ من كل شاعر وقصــــاد قولٍ على حسب الثقة والأصـــولي
يعرف لها من بين الأشعار عنــوان مثايلٍ تبقى على طول الأزمــــان
أرضيك ياللي للشعاعير نقـــــاد ابغى ليا من قيل وشقال دسمــــان
ولا أبغى من التاجر فلوس وهدايــا اقولها مانيـــب أدور عطــــايا
محدٍ يريد ووالي العرش مــــارد ولا أرجي من العالم كفيـــة بلايـا
خصيص في مجد القبيلة ولا أوفيـت هذي عدد وقفاتها أربع ميــة بيـت
المستقيم الناصح المرشد الهــــاد وعلى محمد سيد الرسل صليـــت
وماغرد القمري على روس الأقـذال أزكى صلاةٍ عد ماهــل همـــال
اللي يصلي والمخاليق هجـــــاد على الشفيع بيوم تقسيــم الأعمـال
وسلامتكم
أخوكم / مترك الثوري :11ight: